Қовоқдан тайёрланадиган ушбу шўрва мазали ва фойдали. Унга ўзингиз ёқтирган кўкатларни қўшишингиз ва қўшимча равишда бошқа сабзавотлардан ҳам фойдаланишингиз мумкин.
Керакли масаллиқлар:
- мурч — таъбга кўра
- туз — таъбга кўра
- устки қобиғи олинмаган қовоқ уруғлари — 50 г
- шакар — 2 қошиқ
- петрушка — 20 г
- қаймоқ — 200 мл
- сариёғ — 100 г
- саримсоқ — 6 дона
- қизил пиёз — 1 дона
- қовоқ — 1 кг
- товуқ шўрваси — 1 литр
Қизил пиёз ва саримсоқни майда тўғраб олинг ва сариёғда чуқурроқ идишда қовуринг. Биринчи пиёз, сўнгра у юмшоқ бўлганда саримсоқни қовуриб олинг. Саримсоқ фақат кучли ҳид пайдо бўлгунча қовурилади. Ҳаддан ташқари пиширилган саримсоқ аччиқ таъм ҳосил қилиши мумкин.
Кейинроқ, майда бўлакларга бўлинган қовоқни идишга солиб, пиёз ва саримсоқ билан бирга қовуриш керак, ҳеч қайси маҳсулот куйиб кетмаслигига ишонч ҳосил қилинг.
Қовоқни бироз юмшоқ бўлгунча қовуринг. Кейин идишга товуқ шўрваси, мурч, туз, шакар қўшинг ва яна 5-7 дақиқа пиширинг.
Тайёр бўлган бўтқани блендерда ёғсизроқ қаймоқ, петрушка (тўғралгандан кейин) билан аралаштиринг. Қуруқ товада тозаланган қовоқ уруғларини қовуриб олиб, таомга қўшинг.
Ёқимли иштаҳа!
Мавзуга доир:
Изоҳ (0)