Туркиядаги инфляция 1998 йил сентябрь ойидан бери биринчи марта 80 фоиздан ошди. Бунга иқтисодий ўсиш ва арзон кредитлар устуворлигини таъминлаган сиёсатлар лира ва нарх барқарорлигига тўсқинлик қилмоқда. Бу ҳақда Bloomberg хабар берди.
Туркия статистика агентлиги душанба, 5 сентябрь куни эълон қилган маълумотларга кўра, йиллик инфляция август ойида кетма-кет 15-ой ўсиб, июлдаги 79,6 фоиздан 80,2 фоизга кўтарилди.
Арзонроқ қарз олиш харажатлари инфляцияни юқорига кўтариш ўрнига секинлаштириши мумкинлигига ишонган Президент Ражаб Тоййиб Эрдўған экспорт ва бандликни кун тартибининг биринчи ўринда тутди.
Бу Туркияда рўй бераётган тирикчилик инқирози сайловларга бир йилдан камроқ вақт қолганида унинг мурожаатига таҳдид солаётган бир пайтда содир бўлди.
Туркия инфляцияга мослаштирилганда дунёдаги энг чуқур салбий фоиз ставкаларига эга. Марказий банк эса ўтган ойда Туркия асосий ставкасини 14 фоиздан 13 фоизга туширди.
Турк лираси бу йил долларга нисбатан 27 фоизга пасайди, бу ривожланаётган бозорлардаги энг ёмон кўрсаткичдир.
Bloomberg'нинг таъкидлашича, Туркияда инфляция октябрь ойига келинг энг юқори чўққига кўтарилади.
Туркия расмийлари шу пайтгача нархларнинг ўсишини ўткинчи деб атаб келган ва Россиянинг Украинага бостириб киришини озиқ-овқат ҳамда хом ашё нархининг глобал ўсишига сабаб бўлганликда айблаган эди.
Эрдоған ўтган ҳафта инфляция янги йил бошида пасайишни бошлашини айтиб ўтди.
Ҳатто озиқ-овқат ва энергия каби ўзгарувчан маҳсулотларни чиқариб ташлаганда ҳам, Туркия инфляцияси ўсиб бормоқда — 66 фоиз.
Туркиянинг энг бой шаҳри Истанбулда чакана инфляция ўтган йилга нисбатан деярли 100 фоизга ўсди.
Аввалроқ Туркияда инфляция 2025 йилда 9,9 фоизгача пасайиши кутилаётгани ҳақида хабар берилган эди.
Изоҳ (0)