Туркияда инфляция 2025 йилда 9,9 фоизга етиши кутилмоқда

Туркияда инфляция даражаси 2025 йил охирида жорий йил охиридаги 65 фоизга нисбатан 9,9 фоизга етиши кутилмоқда. Бу ҳақда 4 сентябрь куни ҳукумат газетаси Resmi Gazeteда чоп этилган мамлакатнинг ўрта муддатли иқтисодий ривожланиш дастурига таяниб «ТАСС» хабар бермоқда.

Ҳужжатда таъкидланишича, келгуси йилда Туркияда инфляция 24,9 фоиз, бир йилдан кейин эса 13,8 фоиз даражасида бўлиши режалаштирилган.

Жорий йилнинг июль ойи натижаларига кўра, Туркияда инфляция 79,6 фоизни ташкил этиб, сўнгги йиллардаги рекорд даражага етди. 

Мавзуга доир: Туркиядаги вазият Ўзбекистонда нархларнинг ўсиш хавфини юзага келтирадими?

Ҳукумат дастурида Туркия иқтисодиётининг ўсиши 2022 йилда 5 фоиз, келаси йили 5,2 фоиз, 2024 ва 2025 йилларда эса 5,5 фоизга етиши прогнзо қилинган

Мамлакатда жорий йил охирида ишсизлик даражаси 10,8 фоиз, келаси йилда 10,4 фоиз, бир йилдан кейин эса 9,9 фоиз ва 2025 йилда 9,6 фоизни ташкил этиши кутилмоқда.