Ўзбекистонда август ойида 0,5 фоизлик инфляция қайд этилди. Бу ҳақда Давлат статистика қўмитаси ҳисоботида қайд этилган.
Йил бошидан бери инфляция 7 фоизга етган бўлса, йиллик ҳисобда 12,3 фоизлигича қолмоқда.
Июль ойида 2022 йил ҳисоби бўйича илк бор 0,1 фоизлик дефляция (нархлар тушиши) қайд этилган эди. Август ойида эса яна нархлар ўсишни бошлади.
Ўзбекистонда июнь июль ойларида дефляция одатда доимий содир бўлади. Сабаб — озиқ-овқат маҳсулотлари нархларининг пасайиши.
Август ойида энг кўп нархлар ўсиш озиқ-овқат маҳсулотларида кузатилди — 0,7 фоиз. Ноозиқ-овқат маҳсулотлар ва хизматлар нархлари ой давомида 0,4 фоиздан ошди.
2021 йилнинг августида ҳам озиқ-овқат маҳсулотлари ой давомида 0,7 фоизга қимматлашиб, учта асосий гуруҳлар орасида нархлар ошиши бўйича етакчи бўлган.
Жорий йилнинг дастлабки саккиз ойида озиқ-овқат маҳсулотлари нархларининг ошиши 8,5 фоизга етиб, сўнгги уч йилликнинг ушбу даврида қайд этилган энг юқори кўрсаткич бўлди.
Ноозиқ-овқат маҳсулотлар нархлари 2022 йилнинг январь—августи давомида 7,2 фоизга ошди. Хизматлар нархларининг ўсиш суръати сезиларли даражада пастроқ бўлиб, 4,0 фоизни ташкил этди.
Аввалроқ Ўзбекистонда кўп ва кам даромадли одамлар нархлар ошишини қандай сезаётгани маълум бўлганди.
Изоҳ (0)