Теридаги коллаген қанчалик кўп ва юқори пардаси қанчалик ингичка бўлса, одам янада ёшроқ кўринади. Ёшликда терининг ўзи ўлик ҳужайралардан халос бўлади, аммо кейинчалик тери ёшлигини сақлаб қолиш учун турли хил муолажаларга мурожаат қилиш керак. Энг самарали процедуралардан бири кимёвий пилингдир: бу том маънода ёш ва янги терига эга бўлишнинг осон усули, деб ёзади «Новий очаг».

Кимёвий пилинг техник жиҳатдан бошқариладиган куйдиришдир. Таъсир қилиш чуқурлиги, унинг давомийлиги ва пилинг учун ишлатиладиган кислота бир-биридан фарқ қилади. Лекин хавотир олишнинг хожати йўқ: асосийси, ушбу процедура мутахассис назорати остида ўтади.

Кимёвий пилинг қандай ёрдам беради?

Кимёвий пилинг пайтида юзнинг териси кислоталарнинг фаол таъсирига дучор бўлади. Пилинг таркиби терининг юқори шох пардасини эритиб юборади ва у билан ҳунсбузар, комедон, қизариш, ўлик ва қуруқ тери йўқолади. Кислоталар коллаген ва гиалурон кислотасини ишлаб чиқаришни рағбатлантиради ва тери янада намланади, эластик бўлади ва ёрқинлашади. Ниҳоят, бунга жавобан, терининг юқори қатламига кислород ва озуқа моддаларини етказиб бериш учун масъул бўлган тери мембранаси фаоллашади. Натижада янгиланган ва ёшарган юз қора нуқта ва ёғсиз тоза терига эга бўлади.

Кимёвий пилингнинг юз териси учун қандай фойдалари бор?

• тери шох пардасининг қалинлашиши билан боғлиқ тери кўчиши ва нотекисликларни йўқ қилади;
• терининг тонусини текислайди, ёш билан боғлиқ доғлар ва чандиқларни йўқотади;
• терини силлиқлайди, тошма ва ҳуснбзардан кейинги доғларни олиб ташлайди;
• тери тешикларни тозалайди — механик тозалашдан кўра тезроқ ва юмшоқроқ амалга оширади;
• терининг табиий кислота-ишқор мувозанатини тиклайди, янги яллиғланиш пайдо бўлишининг олдини олади;
• ҳужайраларни янгилайди, терини янги ва тиниқ кўринишга қайтаради.

Кимёвий пилингдан кейин натижа қандай бўлади?

Қандай натижага эришиш қайси кислотани танлашга боғлиқ. Ҳаммаси бўлиб тўртта тур мавжуд:

AHA — бу гуруҳга манделик, гликолик, тартарик ва сут кислотаси киради. AHA кислоталари билан пилинг терининг тонусини текислайди, уни силлиқ ва эластик қилади.

BHА — салицил кислотаси бу гуруҳда энг машҳуридир, иккинчиси эса бета-гидроксипропионик. BHА кислоталари билан пилинг терини тозалайди, комедонларни эритади, яллиғланишни енгиллаштиради, ёғ ишлаб чиқаришни нормаллаштиради ва тошма пайдо бўлишининг олдини олади. Кимёвий пилингнинг бошқа турлари катта ёшлилар терисига тегишли бўлса, бундан шифокор томонидан белгилаб қўйилганидек, 18 ёшгача фойдаланиш мумкин.

RHА — таъсир бўйича AHA кислоталарига ўхшаш, аммо улар юмшоқроқ ҳаракат қилади ва таъсирчанликка олиб келмайди.

Азелаик кислота ҳуснбузар ва розацеани даволайди, яллиғланишни енгиллаштиради, тешикларни тозалайди ва кичрайтиради, терини эластик ва силлиқ қилади.

Кимёвий пилингнинг қандай турлари мавжуд?

Таркиби билан бир қаторда, пилинглар таъсир қилиш чуқурлигига қараб ҳам фарқланади.

Юзаки пилинг

Юзаки пилинг фақат эпидермиснинг энг юқори қатламлари билан ишлайди. Бу жуда юмшоқ ва нозик бўлиб, бунинг учун AHA кислоталари ишлатилади. Ушбу пилинг жуда ёш терида ҳам ишлатилиши мумкин, у тикланишни талаб қилмайди. Аммо юзаки пилингнинг таъсири ҳам қисқа муддатли. Баъзида терини чуқурроқ тозалашга тайёрлаш учун юзаки пилинг қўлланилади.

Ўртача пилинг

Ўртача пилинг бутун эпидермисни базал қатламига ёки мембранага таъсир қилади. Ушбу пилингда ТCА кислоталари, ретинол, резорсин ва салицил кислотаси ишлатилади. Пилингдан сўнг тахминан бир ҳафта давомида ёлғиз яшаш керак бўлади: юзнинг териси кимёвий куйиш оқибатларини бошдан кечиради; ташқи кўриниш ёқимсиз ва инфекция хавфи мавжуд бўлиши мумкин. Ўртача пилингнинг ёшартирувчи таъсири бир неча ой давом этади ва иккинчи курс бир йилдан кейин амалга оширилади.

Чуқур пилинг

Чуқур пилинг — бу пластик жарроҳлик билан бир қаторда ёшартирувчи таъсир кўрсатадиган жуда жиддий процедура. Бунинг кўрсаткичлари ҳам жиддий: чуқур ажинлар ва сезиларли чандиқлар. Чуқур пилинг касалхонада, беҳушлик остида амалга оширилади ва тикланиш олти ойгача давом этади. Ушбу процедура давомида фенолга асосланган композиция бутун эпидермис ва базал мембранага таъсир қилади. Бемор қариш белгиларисиз янги терини олади. Ушбу процедура ҳаётда фақат бир марта ва қатъий равишда шифокорнинг кўрсатмаларига мувофиқ амалга оширилиши мумкин.

Кимёвий пилинг мумкин бўлмаган ҳолатлар:

• яранинг ёмон даволаниши;
• чандиқларга мойиллик;
• пилинг компонентларига индивидуал қаршилик;
• тери сезгирлигининг ошиши;
• кучли розацеа;
• онкологик касалликлар;
• қандли диабет ва гипертония;
• замбуруғ инфекциялари;
• охирги (2 ойдан кам) косметик ва жарроҳлик аралашувлар;
• дори-дармонларни қабул қилиш, иммунитетни пасайтириш, ретиноидларни қабул қилиш натижасида фотосенситивликнинг ошиши;
• ҳомиладорлик ва лактация.

Кимёвий пилинг хавфи

Кимёвий пилингнинг асосий хавфи — таркибий қисмларга индивидуал қаршилик ёки косметологнинг профессионал эмаслиги: бу омиллар чандиқларга олиб келиши мумкин. Янги силлиқ тери ўрнига мутлақо исталмаган натижага эришилади. Кимёвий пилингни куз ва баҳорда қуёш фаоллиги паст бўлган даврда амалга ошириш яхшироқ. Пилингнинг бошқа нохуш оқибатлари қаторида:

• ачишиш ҳисси;
• шиш;
• қизариш ва тери кўчиши;
• пигментацияга мойиллик.

Аммо бу ҳодисаларнинг барчаси йўқ бўлиб кетиши керак, чунки юзнинг териси тезда ўзини тиклайди.

Уйда кимёвий пилинг қилиш мумкинми?

Ҳар ким ҳам косметологга мунтазам ташриф буюришга қодир эмас. Хўш, уйда кимёвий пилинг қилиш мумкинми? Парвариш маҳсулотлари ҳар қандай косметика дўконида сотилади.

Биринчи қадам — макияж молочко ёки мицел сув билан артилади.

Иккинчи қадам — юз кўпик ёки гел билан ювилади.

Учинчи қадам — ўлик тери қатламидан халос бўлиш ва пилингнинг чуқур қатламларга ўтишига ёрдам бериш учун скрабдан фойдаланилади.

Тўртинчи қадам — терини сочиқ ёки қоғоз салфетка билан қуритиб, кимёвий пилинг қўлланилади.

Бешинчи қадам — 2-3 дақиқа кутиб, кейин сув билан яхшилаб ювилади. Агар ниқоб-плёнка қўйилса, у 15-20 дақиқага қолдирилади, сўнгра бир четидан тортиб олиб ташланади.

Уй шароитида пилингни кечқурун қилиш тавсия этилади; процедурадан кейин янги тери ташқи муҳитнинг агрессив таъсирига мослашиши учун фойдалидир.