Лаб бўёғининг бугунги кунда турли рангдагисини топиш мумкин. У образни тўлдиради ҳамда кайфиятга ҳам бевосита таъсир ўтказади. Лекин фақатгина суркалиб кетмаса. «Новий очаг» аёлларнинг ушбу нозик масаласи бўйича ажойиб лайфхак билан бўлишди.
Бунинг учун дастлаб доимгидек макияж воситалари юзга қўлланилади: тональ креми, туш, тен, упа кабилар.
Кейинги босқич лабларни қалам билан бўяш жараёнидир. Бунинг учун фойдаланиладиган лаб бўёғи билан бир хил қалам керак бўлади. Қалам билан лаблар марказдан бурчакка қараб бўялади. Қалам лаб бўёғига қараганда анча ёғсиз бўлгани учун ҳам дастлаб қалам билан бўяш лозим.
Иккинчи қадам лабларга кукунли упа суртиш билан билан боғлиқ. Махсус чўтка кукунли упага ботирилади ва енгил ҳаракат билан лаб юзасига суртилади.
Навбат лаб бўёғига келди. Унинг ҳар қандай турдагисидан фойдаланиш мумкин. Лабларга суртиш жараёнида кист ёрдамида чет қисмларига яхшилаб ишлов берилади.
Устидан яна кукунли упа суртилади.
Юқоридаги жараён яна бир марта такрорланади. Шундагина кутилган натижани кўриш мумкин.
Ниҳоят лаб бўёғи чидамли бўлиб, иссиқ ҳавода ҳам суркалиб кетмайди. Муҳими аёллар ушбу лайфхакдан кейин бу борада муаммога дуч келмайди.
Изоҳ (0)