Севимли макияж воситаси ёки парваришлаш маҳсулоти тўсатдан тугаб қолдими? Уларнинг ўрнини осонгина бошқаларига алмаштириш мумкин. «Новий очаг» нашри қош учун гел, қуруқ шампунь ҳамда скраб ўрнини босувчи бир нечта косметик воситалар билан таништирди.
Тирноқ кутикулаларни юмшатиш ва намлаш
Агар кутикула маҳсулоти тўсатдан тугаса, қовоқ креми, лаб учун бальзам ёки даволовчи лаб бўёғи ажойиб муқобилдир. Ушбу маҳсулотлар кўпинча ўсимлик мойлари, мумлар ва намловчи маҳсулотларни ўз ичига олади, яъни улар, албатта, кутикула мойи вазифасини бажаради.
Шиммерсиз ялтиратиш
Юз терисини бироз ялтиратиш керакми, лекин махсус восита топилмадими? Бунинг учун намлантирувчи лосионга кўз учун мўлжалланган тен қўшилади. Натижада нафақат тери намланади, балки унга енгил товланиш ҳам бериш мумкин.
Қуруқ шампунь ўрнига болалар кукуни
Зарур вақтда қуруқ шампунь қўлда бўлмаса, талк ёки болалар кукунини синаб кўриш тавсия этилади. Ушбу маҳсулотлар ортиқча ёғни сўриши учун қуруқ шампунь каби натижа беради ва бундан ташқари, қизариш хусусиятини келтириб чиқармайди. Фақат сочларни яхшилаб тараш керак, шунда уларда оқ кукун изи қолмайди.
Эски туш қош гели сифатида
Агар қош гели тугаб қолган бўлса, эскириб қолган тушларни ташлашга шошилманг. Чўткани яхшилаб ювиб ташлаб, тушга бироз шаффоф бальзам ёки лаб учун мўлжалланган блеск қўшилади. Ушбу восита ҳам худди қош гели сингари уларни бир текис шаклда ушлаб туришга ёрдам беради.
Лаб бўёғи тен ёки румяна ўрнини босади
Румяна бўламаганда, лаб бўёғи ёрдамга келади. У аввал қўлга суртилади, сўнгра чўтка ёки спонч билан ёйилади. Кейин юзнинг яноқ қисмига суртилади.
Қаҳва + асал = скраб
Агар уйда қаҳвадан кейин қолдиқлар қолса, уларни ташлашга шошилмаслик керак. Унга бор-йўғи асал қўшиб, табиий скраб тайёрлаш мумкин. Бу терини тозалашда ажойиб ёрдамчи ҳисобланади. Бироқ аллергик реакцияга йўл қўймаслик учун ушбу косметик композицияни терининг алоҳида жойида синаб кўришни унутмаслик лозим.
Изоҳ (0)