Сочларнинг ҳолати доимо кузатиб борилса, шампунларнинг ёрлиқлари диққат билан ўрганилса, умуман олганда, сочларнинг парвариши учун ҳамма нарса қўлланилса ҳам қазғоқлар йўқолмаса қандай йўл тутиш керак? «Новий очаг» нашри мутахассис билан биргаликда ташқи кўринишга путур етказиши мумкин бўлган ушбу муаммонинг ечими ҳақда сўз юритди.
Британиянинг Saco салонлари тармоғининг бош шифокори, дерматолог, трихолог, тиббиёт фанлари номзоди Олга Грин қазғоқдан бутунлай қутулишни маълум қилди.
Бу ғамхўрликдаги хатолар эмас
Қазғоқ— бу касаллик, уни косметик воситалар билан даволаб бўлмайди. Қазғоққа қарши шампунь ёрдам бериши мумкин, лекин вақтинчалик, кейин муаммо яна қайталанади. Шампуньларга кўп пул сарфлагандан кўра, бир марта шифокорга мурожаат қилган маъқул. «Қазғоқ бош териси кўчиши билан тавсифланади. Бугунги кунда қазғоқлар ўзини яширади. Бу, биринчи навбатда, муаммони тўхтатиб турадиган, аммо уни даволамайдиган доривор шампунларнинг кенг қўлланилиши билан боғлиқ», — дейди мутахассис.
Қазғоқ пайдо бўлишининг сабаблари
Сочни бўяш
Қазғоқ сочларни бўяшдан 3-4 кун ўтгач пайдо бўлиши мумкин. Қоида тариқасида, бош териси қичишиши ва қизариши билан бирга кузатилади. Одатда бу ҳолат 2 ҳафтадан ортиқ давом этмайди ва ўз-ўзидан ўтиб кетади. Аммо доимо бўёқларга мурожаат қилиш охир-оқибат ҳамма аллергия ва сурункали яллиғланиш билан тугайди.
Нотўғри танланган шампунь
«Одатда нотўғри танланган шампунь қўллангандан кейин тери кўчиши ва қичишиш дарҳол пайдо бўлади. Бундай ҳолда, шампунни алмаштириш тавсия этилади», — дейди трихолог.
Ошқозон-ичак тракти билан боғлиқ муаммолар
«Ошқозон-ичак трактининг тўғри ишлаши тикланмагунча, соғлом бош териси ҳақида унутиш мумкин. Бу борада гастроэнтеролог билан учрашувга ёзилишни маслаҳат берамиз» , — дейди Олга Грин.
Ёмон углеводлар
«Торт, шоколад, ширинликлар, хамир овқатлар истеъмол қилиш ва сочларнинг ёғланиши фонида қазғоқ пайдо бўлиши ўртасидаги боғлиқлик аллақачон исботланган. Бунинг сабаби шундаки, енгил углеводлар ёғли соч фолликулаларининг ишини фаол равишда рағбатлантиради. Шунинг учун улардан имкон қадар қочиш тавсия этилади.
Қазғоқдан қандай қутулиш мумкин?
Механик пилинг
Мунтазам равишда бош терисини тозалаш керак, чунки қазғоқ соч ўсишига халақит беради.
Чуқур тозаловчи лосьон
Махсус лосьонлардан фойдаланишга ҳаракат қилиш лозим. Лосьонни қўллагандан сўнг дарҳол сочни ювмаслик керак, шифобахш компонентларнинг чуқурроқ кириб боришига имкон бериш тавсия этилади.
Кимёвий пилинг
Пилинг — қазғоққа қарши курашнинг энг самарали усули. Салонлар ва трихологик клиникаларда бош териси учун махсус яратилган гликолик кислотага асосланган кимёвий пилинг процедураси мавжуд. Яллиғланишга қарши таъсирга эга бўлган пилинг муолажаси соч фолликулаларини чуқур тозалашга ёрдам беради.
Муаммога глобал ёндашув
Биринчидан, қазғоқ қуруқ ёки ёғли эканини аниқлаш керак. Бош ювилгандан кейин бир ёки икки кундан кейин қуруқ қазғоқ пайдо бўлади, у осонгина учиб кетади, мўртлик, соч тўкилиши ва бош терси қичишиши билан бирга кузатилади.
Унинг пайдо бўлишининг сабаблари: гормонал муаммолар, нотўғри овқатланиш, витамин етишмаслиги, зарарли одатлар, сифатсиз косметика. Агар қазғоқ қуруқ бўлса, унда B6 ва ПП витаминларини ўз ичига олган витамин комплексларини ичишни бошлаш, сабзавот, мева ва денгиз маҳсулотларини истеъмол қилиш, шунингдек, юқори сифатли соч косметикасидан фойдаланиш керак.
Ёғли қазғоқ ювилгандан кейин учинчи ёки бешинчи куни ўзини намоён қилади, у сарғиш ва ёпишқоқ бўлади. Бу бош терисида ёғ безларининг ёмон ишлаши ва метаболизмнинг бузилиши туфайли пайдо бўлади. Ёғли қазғоқдан доимий равишда халос бўлиш учун организмни токсинлардан тозалаш, фастфуд, ёғли, шакарли, газланган ичимликлардан воз кечиш, керак бўлганда вазн йўқотиш, гормонал даражани текшириш, махсус дориларни рецепт бўйича ичишга ҳаракат қилиш ва қазғоққа қарши табиий ниқоблардан фойдаланиш мумкин.
Эсингизда бўлсин, қазғоқ пайдо бўлишининг сабабларидан қатъи назар, жиддий муаммоларга учрамаслик учун трихологга мурожаат қилиш керак.
Изоҳ (0)