Бирлашган Миллатлар Ташкилоти «Толибон» ҳаракатини «Ал-Қоида» террорчиларидан ажралишга ундаш учун барча имкониятларни ишга солмоқда. Бу ҳақда БМТ бош котиби ўринбосари, ташкилотнинг терроризмга қарши кураш бошқармаси раҳбари Владимир Воронков маълум қилди.
«Ал-Қоида» етакчиси Айман ал-Завоҳирийнинг Афғонистонда йўқ қилиниши ҳақидаги саволга жавоб берар экан, Воронков БМТнинг саъй-ҳаракатларига қарамай, «Ал-Қоида» Афғонистонда ҳамон етарлича намоён бўлаётганини айтди.
Бошқармамиз «Толибон»ни террорчилардан узоқлашишга ундаш учун қўлидан келган барча ишни қилмоқда, — деди у.АҚШ президенти Жо Байден 2 август куни Кобулда «Ал-Қоида» етакчиси ал-Завоҳирий ўлдирилганини эълон қилганди. У ҳодисани «ҳар томонлама муваффақият» деб атади ва Афғонистон террорчилар учун «хавфсиз бошпана»га айланмаслиги учун Қўшма Штатлар ҳамма нарсани қилишини таъкидлади.
Politico, Reuters ва АP хабарларига кўра, зарба 31 июль, якшанба куни дрон орқали амалга оширилган. Агентликларнинг таъкидлашича, Қўшма Штатлар террорчи гуруҳ раҳбари йўқ қилингани ҳақида унинг ўлими тасдиқланганидан кейин эълон қилган. «Толибон» ҳукумати матбуот котиби Забиҳуллоҳ Мужоҳид Кобулга қилинган ҳужумни кескин қоралаб, буни «халқаро тамойиллар»нинг бузилиши деб атади.
Мавзуга доир: АҚШ томонидан ўлдирилган «Ал-Қоида» етакчиси Айман аз-Завоҳирий ким эди? — тарихга назар
Изоҳ (0)