Америкалик ёзувчи Стивен Кинг икки китоб нашриёти — Penguin Random House ва Simon & Schuster’нинг бирлашишига қарши судда гувоҳлик берди. Бу ҳақда Reuters хабар қилмоқда.
Кинг суд жараёнидаги ўз кўрсатмасида Penguin Random House га Simon & Schuster билан бирлашишга рухсат берилса, ёзувчиларда ўз китобларини сотиш учун камроқ имконият бўлишини айтган.
Китоблари энг кўп сотилган муаллифнинг таъкидлашича, «карьераси давомида нашриёт саноатидаги консолидация муаллифлар учун маошнинг камайишига олиб келган».
Кингнинг фикрича, ҳозирги кунда замонавий ёзувчилар учун ўз касбидан фойдаланиш жуда қийин.
Буни эр ва хотин бир-бирлари билан бир уй учун савдолашиши деса ҳам бўлади, бу шунчаки кулгили», — деган у судда.Суд жараёнида АҚШ Адлия вазирлиги, федерал судьяни икки «катта бешлик» китоб нашриёти ўртасидаги 2,2 миллиард долларлик бирлашувни блоклаш учун кўндиришга уринди.
Вазирликнинг таъкидлашича, келишув 250 млн доллардан ортиқ даромад оладиган айрим муаллифлар учун авансларни қисқартиради.
Суд жараёни икки-уч ҳафта давом этиши кутилмоқда. Гувоҳлар орасида яна икки нашриёт раҳбарлари ҳам бор.
Аввалроқ Стивен Кинг коронавирус пандемияси ҳақида роман ёзиш режалари билан ўртоқлашган эди.
Мавзуга доир: Стивен Кинг Россияда ўз китобларини чоп этмасликка қарор қилди. У мамлакатда асарлари энг кўп нашр қилинадиган ёзувчи
Изоҳ (0)