Андижон вилоятида кучли таъсир этувчи дори воситалари олди-сотдиси билан боғлиқ яна бир ҳолат аниқланди. Бу ҳақда вилоят ички ишлар бошқармаси ахборот хизмати хабар қилди.
Унга кўра, 27 июль куни Андижон вилояти ИИБ ЖҚБ ходимлари томонидан ўтказилган тезкор тадбирлар натижасида Андижон туманида яшовчи аёл З.Д. ҳамда унинг шериги — Андижон шаҳрида яшовчи аёл Х.О. биргаликда жами 28 дона «Регапен» ва 12 дона «Тропикамид» дори воситасини холис харидорга 2 миллион 500 минг сўмга сотаётган вақтида тадбир иштирокчилари томонидан ушланган.
Шунингдек, фуқаро З.Д.нинг қўлида бўлган сумкасида 68 дона «Регапен» ҳамда 6 дона «Тропикамид» кучли таъсир этувчи дори воситаси борлиги аниқланган. Ҳозирда ушбу ҳолат юзасидан шаҳар ИИО ФМБ томонидан терговга қадар суриштирув ишлари олиб борилмоқда.
Аввалроқ ҳам Андижонда аёл 2800 дона кучли таъсир этувчи дори сақлаб юргани аниқланганди.
Изоҳ (0)