Фарғона вилояти Олтиариқ туманида қарздор алимент учун 11 бош қўй берди. Бу ҳақда Мажбурий ижро бюроси матбуот хизмати маълум қилди.
Бюронинг Олтиариқ тумани бўлими иш юритувида ФИБ Риштон туманлараро судининг қарорига асосан қарздор Х.Д.дан ундирувчи Х.Э. фойдасига 1/4 қисм миқдорида алимент ундириш ҳақидаги ижро ҳужжати мавжуд бўлиб, алимент пуллари ўз вақтида ундириб келинган.
Қарздор ва ундирувчининг ўзаро келишувига асосан фарзандининг 18 ёшга тўлгунига қадар тўланиши лозим бўлган 20,2 миллион сўм алимент ҳисобига қарздордан унга тегишли бўлган 11 бош қўй ундирувчига олиб берилди ва ижро ҳужжати ундирувчининг аризасига асосан тамомланди.
Изоҳ (0)