1 июндан бошлаб Ўзбекистонда ғалла эркинлаштирилди. Энди давлат ғаллани бозор нархида сотиб олади, фермерлар эса уни биржада сотиши мумкин.
Бунинг натижасида ғалла етиштирувчилар, жумладан, фермер хўжаликларининг моддий манфаатдорлиги ошиши кутилмоқда. Шу орқали ЯИМ ҳажмининг кескин ошириши кутилмоқда.
Бундан ташқари, ислоҳот доирасида бир нечта давлат дон корхоналари хусусийлаштирилади.
Июль ойи охирида 30 та шу турдаги корхона кимошди савдосига қўйилган. Улар:
- «Ховос дон маҳсулотлари»нинг 94,2 фоиз акция пакети;
- «Оқтош Дон»нинг «Каттақўрғон дон» филиали;
- «Попдонмаҳсулотлари»нинг «Чуст» филиали;
- «Косон дон маҳсулотлар қабул қилиш»нинг «Ғузор ун» филиали;
- «Қорақалпоқдонмаҳсулотлари»нинг 80,2 фоиз акция пакети;
- «Попдонмаҳсулотлари»нинг 92,8 фоиз акция пакети;
- «Қўқон дон маҳсулотлари»нинг 64,3 фоиз акция пакети;
- «Шовот дон маҳсулотлари»нинг 51,0 фоиз акция пакети;
- «Сурхондарёдонмаҳсулотлари»нинг «Алпомиш ун тегирмон» филиали;
- «Фарғонадонмаҳсулотлари»нинг «Марғилон дон» филиали;
- «Оҳангарон дон»нинг «Бекобод» филиали;
- «Фарғонадонмаҳсулотлари»нинг 51,0 фоиз акция пакети;
- «Хоразмдонмаҳсулотлари»нинг 92,2 фоиз акция пакети;
- «Конирот ун заводи»нинг 95,6 фоиз акция пакети;
- «Дўстликдонмаҳсулот»нинг 90,2 фоиз акция пакети;
- «Тошкентдонмаҳсулотлари»нинг 51,0 фоиз акция пакети;
- «Косон дон маҳсулотлар қабул қилиш»нинг «Муборак дон» филиали;
- «Самарқанддонмаҳсулотлари»нинг «Нуробод дон» филиали;
- «Косон дон маҳсулотлар қабул қилиш»нинг 64,8 фоиз улуши;
- «Жума элеватори» АЖнинг 63,8 фоиз улуши;
- «Самарқанддонмаҳсулотлари»нинг 72,3 фоиз улуши;
- «Сурхондарёдонмаҳсулотлари»нинг 88,5 фоиз улуши;
- «Охангарон дон»нинг 56,8 фоиз улуши;
- «Қўқон дон маҳсулотлари»нинг «Қўқон дон» филиали;
- «Қўнғирот ун заводи»нинг «Қанликўл гуриш» филиали биноси;
- «Асака дон маҳсулотлари»нинг 65,8 фоиз улуши;
- «Андижондонмаҳсулот»нинг 51,0 фоиз улуши;
- «Когондонмаҳсулотлари»нинг 93,0 фоиз улуши;
- «Қизилтепа ун заводи»нинг 93,5 фоиз улуши;
- «Оқтош Дон»нинг 57,4 фоиз улуши.
Савдо қандай ташкил этилган?
Аукционда талабгорлар томонидан бир ёки бир нечта давлат активи бўйича таклифлар тақдим этилиши мумкин. Бунда ҳар бир давлат активи бўйича таклифлар алоҳида берилади.
Корхоналар учун алоҳида нархлар мавжуд эмас. Закалат эса талабгорлар таклиф этган қийматнинг 5 фоиз миқдорида.
Аукционда ғолиб мулк учун тўловни 36 ой давомида бўлиб-бўлиб тўлаш имкониятига эга.
Савдолар 2 босқичда амалга оширилади. Биринчи босқич учун аризалар 6 сентябрь соат 18:00 га қадар қабул қилинади.
Шундан сўнг иккинчи босқичда талабгорнинг тижорат таклифлари (сотиб олиш нархи ва тўловни амалга ошириш муддати), закалат пули миқдори ҳамда тўлов қобилияти баҳоланади ва ғолиб аниқланади.
Изоҳ (0)