Ўзбекистонда 2022 йилнинг биринчи ярмида иккиламчи бозорда (эски уйлар) ўртача уй-жой нархлари 7,1 фоизга ўсди. Бу ҳақда Иқтисодий тадқиқотлар ва ислоҳотлар маркази «Дарё»га хабар қилди.
Маълум бўлишича биринчи чоракда эски уйлар нархи 1 фоизга кўтарилган. Апрель—июнь ойларида эса бу кўрсаткич 6 фоизга етган.
Йил бошидан буён Тошкент шаҳрида иккиламчи бозорида уй-жой нархлари 11,3 фоизга ошди.
Нархлар кўтарилиши биринчи чоракда 6,3 фоиз бўлган бўлса, иккинчи чоракда 4,3 фоизга етган.
Уй-жой нархларининг ўсиши барча туманларда қайд этилган.
Энг катта ўсиш кўрсатган туманлар:
- Мирзо Улуғбек — 18,7 фоиз;
- Яккасарой — 16 фоиз;
- Яшнобод — 14,3 фоиз.
Ҳудудлар кесимида жорий йилнинг биринчи ярмида уй-жой кўчмас мулк нархларининг энг катта ўсиш суръатлари қуйидаги вилоятларда қайд этилган:
- Тошкент — 15,6 фоиз;
- Навоий — 15 фоиз;
- Сурхондарё — 13,3 фоиз;
- Сирдарё — 11,5 фоиз.
Наманган (-13,3 фоиз) ва Самарқанд (-1,3 фоиз) вилоятларида уй-жой нархлари пасайган.
Мавзуга доир:
Изоҳ (0)