1-iyundan boshlab O‘zbekistonda g‘alla erkinlashtirildi. Endi davlat g‘allani bozor narxida sotib oladi, fermerlar esa uni birjada sotishi mumkin.
Buning natijasida g‘alla yetishtiruvchilar, jumladan, fermer xo‘jaliklarining moddiy manfaatdorligi oshishi kutilmoqda. Shu orqali YIM hajmining keskin oshirishi kutilmoqda.
Bundan tashqari, islohot doirasida bir nechta davlat don korxonalari xususiylashtiriladi.
Iyul oyi oxirida 30 ta shu turdagi korxona kimoshdi savdosiga qo‘yilgan. Ular:
- “Xovos don mahsulotlari”ning 94,2 foiz aksiya paketi;
- “Oqtosh Don”ning “Kattaqo‘rg‘on don” filiali;
- “Popdonmahsulotlari”ning “Chust” filiali;
- “Koson don mahsulotlar qabul qilish”ning “G‘uzor un” filiali;
- “Qoraqalpoqdonmahsulotlari”ning 80,2 foiz aksiya paketi;
- “Popdonmahsulotlari”ning 92,8 foiz aksiya paketi;
- “Qo‘qon don mahsulotlari”ning 64,3 foiz aksiya paketi;
- “Shovot don mahsulotlari”ning 51,0 foiz aksiya paketi;
- “Surxondaryodonmahsulotlari”ning “Alpomish un tegirmon” filiali;
- “Farg‘onadonmahsulotlari”ning “Marg‘ilon don” filiali;
- “Ohangaron don”ning “Bekobod” filiali;
- “Farg‘onadonmahsulotlari”ning 51,0 foiz aksiya paketi;
- “Xorazmdonmahsulotlari”ning 92,2 foiz aksiya paketi;
- “Konirot un zavodi”ning 95,6 foiz aksiya paketi;
- “Do‘stlikdonmahsulot”ning 90,2 foiz aksiya paketi;
- “Toshkentdonmahsulotlari”ning 51,0 foiz aksiya paketi;
- “Koson don mahsulotlar qabul qilish”ning “Muborak don” filiali;
- “Samarqanddonmahsulotlari”ning “Nurobod don” filiali;
- “Koson don mahsulotlar qabul qilish”ning 64,8 foiz ulushi;
- “Juma elevatori” AJning 63,8 foiz ulushi;
- “Samarqanddonmahsulotlari”ning 72,3 foiz ulushi;
- “Surxondaryodonmahsulotlari”ning 88,5 foiz ulushi;
- “Oxangaron don”ning 56,8 foiz ulushi;
- “Qo‘qon don mahsulotlari”ning “Qo‘qon don” filiali;
- “Qo‘ng‘irot un zavodi”ning “Qanliko‘l gurish” filiali binosi;
- “Asaka don mahsulotlari”ning 65,8 foiz ulushi;
- “Andijondonmahsulot”ning 51,0 foiz ulushi;
- “Kogondonmahsulotlari”ning 93,0 foiz ulushi;
- “Qiziltepa un zavodi”ning 93,5 foiz ulushi;
- “Oqtosh Don”ning 57,4 foiz ulushi.
Savdo qanday tashkil etilgan?
Auksionda talabgorlar tomonidan bir yoki bir nechta davlat aktivi bo‘yicha takliflar taqdim etilishi mumkin. Bunda har bir davlat aktivi bo‘yicha takliflar alohida beriladi.
Korxonalar uchun alohida narxlar mavjud emas. Zakalat esa talabgorlar taklif etgan qiymatning 5 foiz miqdorida.
Auksionda g‘olib mulk uchun to’lovni 36 oy davomida bo‘lib-bo‘lib to’lash imkoniyatiga ega.
Savdolar 2 bosqichda amalga oshiriladi. Birinchi bosqich uchun arizalar 6-sentabr soat 18:00 ga qadar qabul qilinadi.
Shundan so‘ng ikkinchi bosqichda talabgorning tijorat takliflari (sotib olish narxi va to‘lovni amalga oshirish muddati), zakalat puli miqdori hamda to‘lov qobiliyati baholanadi va g‘olib aniqlanadi.
Izoh (0)