Шавкат Мирзиёев 24 июль куни Тожикистон президенти Эмомали Раҳмон билан телефон орқали мулоқот қилди. Бу ҳақда Президент матбуот хизмати хабар қилди.
Қайд этилишича, суҳбат аввалида Тожикистон етакчиси Ўзбекистон раҳбарини таваллуд куни билан табриклаган,
Икки томонлама кун тартибидаги ҳамда минтақавий ҳамкорликнинг долзарб масалалари юзасидан фикр алмашилган. Жорий йил 2—3 июнь кунлари Эмомали Раҳмоннинг Ўзбекистонга расмий ташрифи якунида эришилган келишувларни бажариш бўйича йўл харитасини ўз вақтида амалга ошириш муҳимлиги таъкидланган. Энг аввало энергетика соҳасидаги кооперация лойиҳаларини жадаллаштиришга алоҳида эътибор қаратилган.
Жорий йил сентябрь ойида ўтказиладиган Шанхай ҳамкорлик ташкилотининг Самарқанд саммитига тайёргарлик масалалари муҳокама қилинган.
Изоҳ (0)