Наманган вилоят божхона бошқармаси ва Давлат хавфсизлик хизмати ходимлари ҳамкорликда Косонсой туманида тезкор тадбир ўтказди. Бу ҳақда «Дарё» мухбири Азизбек Абдувалиев хабар бермоқда.
Тадбир давомида Янгиқўрғон—Косонсой йўналишида харакатланаётган Volvo русумли юк машинаси Косонсой туманининг Жар маҳалласида тўхтатилиб, холислар иштирокида кўздан кечирилди.
Кўздан кечириш чоғида машина юкхонасидаги махфий жойда 18 та синтетик қопга жойланган 5800 дона аёллар кийим-кечаги борлиги аниқланди.
Умумий суммаси 1 миллиард 160 миллион сўм бўлган ушбу товарлар муқаддам Қирғизистондан айланма йўллар орқали ноқонуний равишда Ўзбекистон ҳудудига олиб ўтилгани маълум бўлди.
Ҳозирда мазкур ҳолат юзасидан терговга қадар суриштирув ишлари олиб борилмоқда.
Мавзуга доир: Наманганда машина ўриндиғи остида қарийб 1 кг гашиш олиб кетаётган йўловчи қўлга олинди
Изоҳ (0)