29 июнь куни Владимир Путин Украинадаги «махсус амалиёт»нинг якуний мақсади — Донбассни озод этиш ва Россия хавфсизлиги кафолатини олиш эканини айтди. У Россия фуқаролик объектларини ўққа тутмаётганини таъкидлади. Украина ва Россия йирик асирлар алмашинувини амалга оширди — 144 га 144 киши алмаштирилди, Украинага қайтарилганлар орасида «Азовсталь» мудофааси учун курашган жангчилар ҳам бор. НАТО альянснинг янги стратегик концепциясини тасдиқлади: унда Россия «хавфсизлик учун энг жиддий ва бевосита таҳдид» деб аталди. Meduza урушнинг 126-кунидан олинган асосий кадрларни тақдим этди.
Киев ва Киев вилояти
29 июнь куни Владимир Зеленский билан учрашиш учун Украинага келган Индонезия президенти Жоко Видодонинг қўриқчилари Киев марказида кўргазмага қўйилган артиллерия установкаси олдида суратга тушмоқда. Видодо Украинага «тинчликпарвар мақсади» билан ташриф буюрган. 30 июнь куни у Москвада Владимир Путин билан урчашишни режалаштирган. Фото: AFP
Индонезия президенти Жоко Видодо (чапдан бешинчи) ва унинг рафиқаси Ириана Ёко Видодо (чапдан тўртинчи) Индонезия делегацияси ва Украина томони вакиллари билан биргаликда Ирпендаги вайрон бўлган биноларни кўздан кечирмоқда.Фото: Индонезия президенти матбуот хизмати
Николаев
Украиналик қутқарувчилар Николаевдаги вайрон бўлган кўпқаватли уйда ишламоқда. Вилоят маъмурияти раҳбари Виталий Ким 29 июнь кунги ҳужум оқибатида тинч аҳоли вакилларидан уч киши қурбон бўлганини, яна беш киши яраланганини маълум қилди. Россия мудофаа вазирлиги шу куни «Россия ҳарбий космик кучларининг юқори аниқликдаги қуроллари билан Николаев шаҳри ҳудудида хорижлик ёлланма жангчиларнинг ўқув базаси йўқ қилингани» ҳақида хабар берган.Фото: EPA
Кременчугда яшовчи аёл қизи билан «Амстор» савдо марказининг ўққа тутилиши оқибатида яраланган эрини кўриш учун касалхонага келди. Россия қўшинларининг Кременчугдаги (Украинанинг Полтава вилояти) савдо марказига қилган ракета ҳужумида камида 20 нафар тинч аҳоли ҳалок бўлди, ўнлаб одамлар бедарак йўқолди. Киев ҳодисани террорчилик акти ва «фуқаролик объектига қасддан қилинган ҳужум» деб атади. Россия Мудофаа вазирлиги бу айбловларни рад этмоқда.Фото: AFP
Ракета тушган савдо марказини тозалаш ишлари дрондан олинган тасвирда.Фото: Anadolu
Запорожье вилояти
29 июнь куни Россия ва Украина ўртасида ҳарбий асирлар алмашинуви бўлиб ўтди. Жараён «144 кишига 144» формуласи бўйича амалга оширилди. Маҳбуслар орасида, жумладан, «Азовсталь» ҳимоячилари ҳам бор эди.Фото: Украина Мудофаа вазирлигининг Бош разведка бошқармаси
29 июнь куни Украина Мудофаа вазирлигининг Бош разведка бошқармаси Россия ва Украина ўртасида асирлар алмашинуви суратини эълон қилди. Сурат айнан қаерда олингани ва ундаги одамлар украиналикларми ёки россияликлар эканига аниқлик киритилмаган.Фото: Украина Мудофаа вазирлигининг Бош разведка бошқармаси
Изоҳ (0)