Nikolayevdagi ko‘pqavatli bino o‘qqa tutildi. Zaporojyeda “144 ga 144” asirlar almashildi. Urushning 126-kunidan fotoreportaj
29-iyun kuni Vladimir Putin Ukrainadagi “maxsus amaliyot”ning yakuniy maqsadi — Donbassni ozod etish va Rossiya xavfsizligi kafolatini olish ekanini aytdi. U Rossiya fuqarolik obyektlarini o‘qqa tutmayotganini ta’kidladi. Ukraina va Rossiya yirik asirlar almashinuvini amalga oshirdi — 144 ga 144 kishi almashtirildi, Ukrainaga qaytarilganlar orasida “Azovstal” mudofaasi uchun kurashgan jangchilar ham bor. NATO alyansning yangi strategik konsepsiyasini tasdiqladi: unda Rossiya “xavfsizlik uchun eng jiddiy va bevosita tahdid” deb ataldi. Meduza urushning 126-kunidan olingan asosiy kadrlarni taqdim etdi.
Kiyev va Kiyev viloyati
29-iyun kuni Vladimir Zelenskiy bilan uchrashish uchun Ukrainaga kelgan Indoneziya prezidenti Joko Vidodoning qo‘riqchilari Kiyev markazida ko‘rgazmaga qo‘yilgan artilleriya ustanovkasi oldida suratga tushmoqda. Vidodo Ukrainaga “tinchlikparvar maqsadi” bilan tashrif buyurgan. 30-iyun kuni u Moskvada Vladimir Putin bilan urchashishni rejalashtirgan. Foto: AFP
Indoneziya prezidenti Joko Vidodo (chapdan beshinchi) va uning rafiqasi Iriana Yoko Vidodo (chapdan to‘rtinchi) Indoneziya delegatsiyasi va Ukraina tomoni vakillari bilan birgalikda Irpendagi vayron bo‘lgan binolarni ko‘zdan kechirmoqda.Foto: Indoneziya prezidenti matbuot xizmati
Nikolayev
Ukrainalik qutqaruvchilar Nikolayevdagi vayron bo‘lgan ko‘pqavatli uyda ishlamoqda. Viloyat ma’muriyati rahbari Vitaliy Kim 29-iyun kungi hujum oqibatida tinch aholi vakillaridan uch kishi qurbon bo‘lganini, yana besh kishi yaralanganini ma’lum qildi. Rossiya mudofaa vazirligi shu kuni “Rossiya harbiy kosmik kuchlarining yuqori aniqlikdagi qurollari bilan Nikolayev shahri hududida xorijlik yollanma jangchilarning o‘quv bazasi yo‘q qilingani” haqida xabar bergan.Foto: EPA
Qutqaruvchilar nikolayevlik yarador fuqaroni vayron bo‘lgan ko‘pqavatli uydan evakuatsiya qilmoqda.Foto: EPA
Tergovchi ko‘pqavatli bino o‘qqa tutilishi oqibatida halok bo‘lgan kishining ustini yopmoqda.Foto: EPA
Raketa urilgan uy vayronalari orasidan oilaviy suratlarni yig‘ib olayotgan erkak.Foto: EPA
Kremenchug
Kremenchugda yashovchi ayol qizi bilan “Amstor” savdo markazining o‘qqa tutilishi oqibatida yaralangan erini ko‘rish uchun kasalxonaga keldi. Rossiya qo‘shinlarining Kremenchugdagi (Ukrainaning Poltava viloyati) savdo markaziga qilgan raketa hujumida kamida 20 nafar tinch aholi halok bo‘ldi, o‘nlab odamlar bedarak yo‘qoldi. Kiyev hodisani terrorchilik akti va “fuqarolik obyektiga qasddan qilingan hujum” deb atadi. Rossiya Mudofaa vazirligi bu ayblovlarni rad etmoqda.Foto: AFP
Raketa tushgan savdo markazini tozalash ishlari drondan olingan tasvirda.Foto: Anadolu
Zaparojye viloyati
29-iyun kuni Rossiya va Ukraina o‘rtasida harbiy asirlar almashinuvi bo‘lib o‘tdi. Jarayon “144 kishiga 144” formulasi bo‘yicha amalga oshirildi. Mahbuslar orasida, jumladan, “Azovstal” himoyachilari ham bor edi.Foto: Ukraina Mudofaa vazirligining Bosh razvedka boshqarmasi
29-iyun kuni Ukraina Mudofaa vazirligining Bosh razvedka boshqarmasi Rossiya va Ukraina o‘rtasida asirlar almashinuvi suratini e’lon qildi. Surat aynan qayerda olingani va undagi odamlar ukrainaliklarmi yoki rossiyaliklar ekaniga aniqlik kiritilmagan.Foto: Ukraina Mudofaa vazirligining Bosh razvedka boshqarmasi
Izoh (0)