Хитойда ихтиро қилинган робот-ит сув остида сузишни ўрганиб олди (видео)

Хитойнинг Unitree Robotics компанияси сув ўтказмайдиган тўрт оёқли роботини намойиш этди, деб хабар беради Hi-Tech.Mail.ru.

B1 номини олган робот Boston Dynamics’нинг машҳур Spot роботига ўхшаб кетади — уларнинг ташқи кўринишлари бир хил. Асосий фарқи B1 сувдан IP68 стандарти бўйича ҳимояланган.

IP68 даражаси 1,5 метр чуқурликдаги сув остида 30 дақиқа туриш имкониятини тақдим этади. Эълон қилинган видеодан кўриш мумкинки, механик ит сув офатларига яхшигина бардош бера олади.

Хусусан, роликда робот-ит дарёни кечиб ўтгани ва бассейн тубига тушгани тасвирланган. Иккала ҳолатда ҳам фақат бошқарув учун мўлжалланган антенна ва механик ихтиро орқасига қотирилган махсус юк сувдан чиқиб турган холос.

B1’нинг юк кўтариш қобилияти ҳам ҳайратланарли: у 80—100 килограмм юк билан бемалол ҳаракатлана олади. Ҳаракатланиш тезлиги сониясига 1,8 метр. 2—4 соатли ҳаракатдан сўнг, уни қувватлантириш керак бўлади.