Июнь ойида Telegram мессенжерида «қўшимча функциялар, тезлик ва ресурслар»га эга пуллик обуна пайдо бўлади, дея маълум қилганди унинг яратувчиси Павел Дуров.
«Биз энг талабчан мухлисларимизга кўпроқ имкониятларни тақдим этишнинг ягона йўли — ҳозирги функцияларни бепул сақлаб қолган ҳолда, юқори тарифларни пулли вариант қилиш эканлигини англадик. Шунинг учун бу ой биз Telegram Premium обуна режасини тақдим этмоқдамиз, бу ҳар кимга қўшимча функциялар, тезлик ва ресурсларни сотиб олиш имконини беради. Шунингдек, бу обуна фойдаланувчиларга Telegram’ни қўллаб-қувватлаш ва янги функциялардан биринчи бўлиб фойдаланувчи клубга аъзо бўлиш имконини беради» — деб ёзади Дуров ўз Telegram-каналида.
Шу билан бирга, у мессенжернинг барча мавжуд функциялари бепул бўлиб қолишини ва ҳатто кўплаб янги бепул функциялар пайдо бўлишини ҳам ваъда қилган.
Telegram Premium фойдаланувчилари бошқа премиум фойдаланувчилар томонидан юборилган жуда катта ҳажмдаги ҳужжатлар, медиа ва стикерларни кўришлари, шунингдек, обунада мавжуд бўладиган ноёб реакцияларга киришлари мумкин бўлади.
Дуров обуна нархи ва унинг ишга туширилишининг аниқ санаси ҳақида хабар бермаган.
Изоҳ (0)