АҚШнинг Миссури штати Мендон шаҳри яқинида юк машинаси билан тўқнашган йўловчи поезди рельсдан чиқиб кетди. Бу ҳақда Amtrak транспорт компанияси баёнотида айтилади.
Ҳодиса тартибга солинмаган чорраҳада содир бўлган. Саккиз вагон ва иккита локомотивдан иборат поезд Лос-Анжелесдан Чикагога кетаётган эди. Поезд ичида 243 нафар йўловчи ва 12 экипаж аъзоси бўлган.
«Уч киши ҳалок бўлди — улардан икки нафари поездда, бир нафари юк машинасида», — деди штат йўл патруль хизмати вакили Жастин Данн матбуот анжуманида.
Расмийлар ҳозирча ярадорларнинг аниқ сонини айтмаган. CNN маълумотларига кўра, камида 50 киши жароҳатланган. Жабрланганлардан бири вертолётда Канзас-Ситидаги тиббиёт марказига етказилган, дея тасдиқлади КШБ муассаса вакили. Камида тўққиз нафар йўловчи Миссури соғлиқни сақлаш университети касалхонасига етказилган.
8 июнь куни Эроннинг Машҳад шаҳридан Яздга кетаётган поезд Жанубий Хуросон вилоятининг Тебес шаҳрида рельсдан чиқиб кетган эди. Ҳодиса оқибатида камида 13 киши ҳалок бўлган, яна 50 киши жароҳат олган. Поезд темир йўлда экскаватор билан тўқнашиб кетган, шундан сўнг тўртта вагон рельсдан чиқиб кетган.
Изоҳ (0)