Швейцария техник носозлик туфайли ўз ҳаво ҳудудини ёпди

Швейцария ҳаво ҳудуди техник носозлик туфайли ёпилди. Бу ҳақда Skyguide аэронавигация хизматига таяниб, «РБК» хабар бермоқда.

«Skyguide бугун эрта тонгда техник носозликка дуч келди, шу сабабли Швейцария ҳаво ҳудуди ёпилди», — дейилади хабарда.

Самолётлар бу ҳақда хабар берилмагунича, Швейцария чегараларини кесиб ўта олмайди. Хизмат Женева ва Цюрих аэропортларида мижозлар, шериклар ва йўловчилар учун юзага келган ноқулайликлар учун узр сўради.

Женева аэропортида Брюссель, Палmма де Майорка, Париж, Амстердам, Дюссельдорф, Венадан келаётган самолётларнинг қўниши, шунингдек, шу йўналишлар бўйича самолётлар учиб кетиши тақиқланди. Нью-Йоркдан учиб чиққан самолёт Швейцарияга кирмасдан, Парижга қўнади.

Цюрих аэропорти рейслари ҳам қўниш учун бошқа мамлакатларга йўналтирилди. Чикаго ва Нью-Йоркдан учган самолётлар Франкфуртга, Шанхайдан парвоз қилганлари Венага, Бангкок, Абу-Даби, Вашингтон ва Сингапурдан учиб чиққанлари эса Мюнхенга қўнади. Дюссельдорфдан рейс бекор қилинди, шунингдек, Руминиянинг Орадя, Германиянинг Фридрихсхафен шаҳри ва Венага парвозлар ҳам қолдирилди.