Shveysariya havo hududi texnik nosozlik tufayli yopildi. Bu haqda Skyguide aeronavigatsiya xizmatiga tayanib, “RBK” xabar bermoqda.
“Skyguide bugun erta tongda texnik nosozlikka duch keldi, shu sababli Shveysariya havo hududi yopildi”, — deyiladi xabarda.
Samolyotlar bu haqda xabar berilmagunicha, Shveysariya chegaralarini kesib o‘ta olmaydi. Xizmat Jeneva va Syurix aeroportlarida mijozlar, sheriklar va yo‘lovchilar uchun yuzaga kelgan noqulayliklar uchun uzr so‘radi.
Jeneva aeroportida Bryussel, Palma de Mayorka, Parij, Amsterdam, Dyusseldorf, Venadan kelayotgan samolyotlarning qo‘nishi, shuningdek, shu yo‘nalishlar bo‘yicha samolyotlar uchib ketishi taqiqlandi. Nyu-Yorkdan uchib chiqqan samolyot Shveysariyaga kirmasdan, Parijga qo‘nadi.
Syurix aeroporti reyslari ham qo‘nish uchun boshqa mamlakatlarga yo‘naltirildi. Chikago va Nyu-Yorkdan uchgan samolyotlar Frankfurtga, Shanxaydan parvoz qilganlari Venaga, Bangkok, Abu-Dabi, Vashington va Singapurdan uchib chiqqanlari esa Myunxenga qo‘nadi. Dyusseldorfdan reys bekor qilindi, shuningdek, Ruminiyaning Oradya, Germaniyaning Fridrixsxafen shahri va Venaga parvozlar ham qoldirildi.
Mavzuga doir:
- Shveysariya Yevropa Ittifoqining Rossiyaga qarshi oltinchi sanksiyalar paketiga qo‘shildi
- Shveysariya Rossiya kompaniyasiga nisbatan sanksiyalarni bekor qildi
- O‘zbekiston uchun namuna: Shveysariya qanday qilib muvaffaqiyatga erishgan?
- Bolgariya, Shimoliy Makedoniya va Chernogoriya Lavrovning Serbiyaga tashrifi oldidan uning samolyoti uchun o‘z havo hududlarini yopdi. Safar bekor qilindi
Izoh (0)