Футбол бўйича Англия Премьер Лигасининг 37-туридан ўрин олган ўйинда «Ливерпуль» 17 май, сешанба куни «Саутҳэмптон» билан баҳс юритди.
«Саутҳэмптон» мезбонлигида ўтган баҳсда ҳисоб 13-дақиқада очилди, Натан Редмонд ажойиб зарбаси билан узоқ масофадан «қизиллар» дарвозасини ишғол этди. Орадан 10 дақиқа ўтар-ўтмас Такуми Минамино мувозанатни тиклади. Иккинчи бўлим ўрталарида эса Жоэл Матип «Ливерпуль»га ғалаба келтирган голга муаллифлик қилди.
Шу тариқа Юрген Клопп жамоаси сўнгги тур олдидан иродали ғалабага эришиб, пешқадам «Манчестер Сити» билан орадаги фарқни 1 очкога қисқартирди. Мерсисайдликлар ҳисобида 89, Манчестер клубида эса 90 очко мавжуд. Чемпионлик масаласи сўнгги турда ҳал бўлади. «Ливерпуль» 38-турда «Вулверҳэмптон»га қарши саф тортса, «Сити» Стивен Жеррард бошқарувидаги «Астон Вилла» билан тўқнаш келади.
АПЛ
37-тур баҳси
17 май, сешанба
«Саутҳэмптон» – «Ливерпуль» 1:2
Голлар: 1:0 – 13 Редмонд, 1:1 – 27 Минамино, 1:2 – 67 Матип.«Саутҳэмптон»: Маккарти, Уокер-Питерс, Стивенс, Войнович, Салису, Эльюнусси, Редмонд, Телла (Армстронг, 71), Уорд-Проуз, Диалло (Ромеу, 71), Броя (Адамс, 82).
«Ливерпуль»: Алиссон, Гомес (Ҳендерсон, 46), Матип, Конате, Цимикас, Милнер, Жонс, Эллиотт (Ориги, 65), Фирмино (Кейта, 83), Минамино, Диогу Жота.
Огоҳлантиришлар: Телла (69), Стивенс (74).
Изоҳ (0)