Futbol bo‘yicha Angliya Premyer Ligasining 37-turidan o‘rin olgan o‘yinda “Liverpul” 17-may, seshanba kuni “Sauthempton” bilan bahs yuritdi.
“Sauthempton” mezbonligida o‘tgan bahsda hisob 13-daqiqada ochildi, Natan Redmond ajoyib zarbasi bilan uzoq masofadan “qizillar” darvozasini ishg‘ol etdi. Oradan 10 daqiqa o‘tar-o‘tmas Takumi Minamino muvozanatni tikladi. Ikkinchi bo‘lim o‘rtalarida esa Joel Matip “Liverpul”ga g‘alaba keltirgan golga mualliflik qildi.
Shu tariqa Yurgen Klopp jamoasi so‘nggi tur oldidan irodali g‘alabaga erishib, peshqadam “Manchester Siti” bilan oradagi farqni 1 ochkoga qisqartirdi. Mersisaydliklar hisobida 89, Manchester klubida esa 90 ochko mavjud. Chempionlik masalasi so‘nggi turda hal bo‘ladi. “Liverpul” 38-turda “Vulverhempton”ga qarshi saf tortsa, “Siti” Stiven Jerrard boshqaruvidagi “Aston Villa” bilan to‘qnash keladi.
APL
37-tur bahsi
17-may, seshanba
“Sauthempton” – “Liverpul” 1:2
Gollar: 1:0 – 13 Redmond, 1:1 – 27 Minamino, 1:2 – 67 Matip.“Sauthempton”: Makkarti, Uoker-Piters, Stivens, Voynovich, Salisu, Elyunussi, Redmond, Tella (Armstrong, 71), Uord-Prouz, Diallo (Romeu, 71), Broya (Adams, 82).
“Liverpul”: Alisson, Gomes (Henderson, 46), Matip, Konate, Simikas, Milner, Jons, Elliott (Origi, 65), Firmino (Keyta, 83), Minamino, Diogu Jota.
Ogohlantirishlar: Tella (69), Stivens (74).
Izoh (0)