«Барселона» Роберт Левандовски учун қанча тўламоқчи эканлиги маълум бўлди

«Барселона» тез орада «Бавария» билан Роберт Левандовски трансфери борасида музокараларни бошлашни режалаштирмоқда.

Mundo Deportivo нашрининг хабарига кўра, каталонияликлар 33 ёшли ҳужумчини 30 миллион евро эвазига харид қилмоқчи.

Ушбу нарх 35 миллион еврога қадар кўтарилиши мумкин, бу «кўк-анорранглилар» раҳбарияти томонидан белгиланган максимал чегара.

Польшалик ҳужумчининг ўзи «Барселона» вариантига қизиқмоқда ва маоши камайтирилишига рози.

Роберт «Бавария»да йилига 22 миллион евро маош олади. Агар «Барселона» трансферни амалга оширса, ҳужумчининг маоши 16 миллион еврога қисқариши мумкин.

Аввалроқ Левандовски «Бавария»дан кетмоқчи эканлигини маълум қилганди. Каталон клуби «Бавария» ҳужумчисининг агенти Пини Заҳавига Роберт учун 30—35 миллион евро тўлашга тайёрлигини билдирган.

Роберт Левандовски 2014 йилдан бери мюнхенликлар шарафини ҳимоя қилиб келаётганди. Унгача у «Боруссия Д» шарафини ҳимоя қилган.