Биринчи хонимлар: президент ва қиролларнинг машҳурликда улардан қолишмайдиган рафиқалари (фото)

Бу аёллар сиёсатда ҳам умр йўлдошидан кам роль ўйнамайди. Улар нафақат турмуш ўртоғининг мавқейини таъкидлабгина қолмай, балки бутун мамлакат учун намуна бўлишга интиладилар.

Жилл Байден, АҚШ президенти Жо Байденнинг рафиқаси

1977 йил 17 июнда жуфтлик турмуш қурди. Жонинг биринчи хотини кичик қизи билан бирга автоҳалокатда вафот этганди. Ўша пайтда Жилл инглиз тилида бакалавр даражасини олган, университетда дарс берарди. Унинг карьераси Байден билан бахтли турмуш қуриш ва унинг биринчи турмушидан бўлган икки ўғли Бо ва Ҳантерга ғамхўрлик қилишга халақит бермади.

Жилл доим эрини қўллаб-қувватлайди ва ижтимоий фаолиятда фаол. 2020 йилдаги президентлик сайловида Байденнинг асосий таянчига айланди. Биринчи хоним сифатида сайлов кампаниясида Жилл коллежларни яхшилашга ва ҳарбий оилаларга ёрдам беришга ваъда берган.

Летиция — Испания қироличаси, кучли характерга эга аёл. Филипп VI бир вақтлар ота-онаси томонидан таклиф қилинган Швеция валиаҳд маликаси Виктория номзодини рад этиб, Летицияга кўнгил қўйди. Мафтункор журналист билан биринчи учрашув испаниялик ёш қиролнинг юрагини забт этди.

Летиция бир неча бор Филипп VI нинг учрашишга бўлган уринишларини рад этган. Аммо сув тошни емирганидек, охир-оқибат испан қиролининг қатъияти ва муҳаббати мағрур қизни ҳам севги олдида таслим қилди.

Озарбайжоннинг биринчи хоними 56 ёшда бўлса ҳам анча ёш кўринади. Аслида у шифокорликка ўқиган, аммо кейинчалик ҳаётини сиёсат билан боғлаган.

Меҳрибон Озарбайжон Гимнастика федерациясига раҳбарлик қилади, бир қанча жамоат ташкилотлари аъзоси ва энг муҳими, 2017 йилдан буён Озарбайжоннинг биринчи вице-президенти лавозимида ишлаб келмоқда. 1983 йилдан бери турмуш қурган жуфтликнинг бир ўғил ва икки қиз бор.

Суриянинг 45 ёшли биринчи хоними дунёдаги энг жозибали аёллардан бири ҳисобланади. Асма болалигини Буюк Британияда ўтказган, бу ерда ўқиган ва кейин ватанига қайтиб келган.

Араб, инглиз, испан ва француз тилларида бемалол гапира олади. 2000 йилда турмуш қурган жуфтликнинг у Ҳофиз, Зайн ва Карим исмли ўғиллари бор.

Брижит шоколад ва қандолатчилик дўконлари тармоғига эгалик қилувчи бизнесмен оиласида туғилган, аммо бу унинг фигурасига ҳеч қандай таъсир қилмади. У турмуш ўртоғидан деярли 25 ёш катта.

Касби — ўрта мактабда француз ва лотин тиллари ўқитувчиси. 2007 йилда Эммануэль Макрон билан турмуш қурган.

Маълумки, қирол Абдулла II шахсий ҳаётида европача қарашларга амал қилади: Иорданияда кўп хотинликка рухсат берилган, бироқ қирол чорак асрдан бери Рания билан бахтли турмуш кечиради.

Биринчи марта учрашганларида Рания 22 ёшда, Абдуллоҳ ундан 8 ёш катта бўлган, улар 1993 йилда турмуш қуришади. Ҳозирда улар тўрт фарзандни тарбиялашмоқда.