Машҳур аёллар ҳар доим ҳам ноёб дизайнерлик либосларини киймайди. Деярли ҳар бирининг гардеробида одатий джинси шимлар, футболка ва свитерлар мавжуд. Машҳур актриса, модель ва қўшиқчилар ўзларининг замонавий кундалик қиёфасини яратиш учун оддий кийимлардан фойдаланади.
AdMe нашри машҳур аёллар қандай қилиб оддий кийимлар билан образ яратиши ва уларнинг нафис қиёфасини такрорлаш жуда осон эканини маълум қилди.
Кейт Мосс
Қора легинсларни Кейт Мосснинг замонавий образининг элементи деб аташ мумкин. Моделга ушбу асосий элемент кундалик кўринишига ҳам, замонавий образига ҳам мос келади.
Белла Хадид
Белла Хадид футболка ва шим билан классик блайзер кийишни одат қилган. Кийимларнинг ранглари бир-бирига мос. Модель кўзойнак ва тақинчоқ аксессуарларини қўшиб, образни янада бойитади.
Виктория Бекҳэм
Виктория Бекҳэм кўпинча оқ футболкани афзал кўради. Бекҳэм уни турли хил джинси моделлари билан бирлаштиради. Образ ҳар доим долзарб, ноодатий ҳамда замонавий кўриниш ҳосил қилади.
Зоэ Кравиц
2020 йилги модалар кўргазмасида Зоэ Кравиц джинси шимларда омма олдига чиқди. Актриса камтарона образини товланувчи оддий кофта билан бойитди. Тилларанг зираклар ва табиий макияж Кравицни янада жозибали кўрсатади.
Хейли Бибер
Хейли Бибер Нью-Йорк кўчаларида катакли кул ранг шим, пушти свитер ва учли оқ туфлида юради. Моделнинг макияжи свитерга мос келса, туфли ранги шимнинг чизиқлари билан уйғунлашган.
Кендалл Женнер
Чизиқли регби кўйлак Кендалл Женнернинг севимли танловидир. Катта ўлчамли кўйлакни джинси ва ёзги пойабзаллар билан бирлаштириш замонавий ва ноанъанавий кўринишни ҳосил қилади.
Рози Хантингтон-Уайтли
Қора свитер Рози Хантингтон-Уайтли гардеробининг асосий қисмидир. Шим, ёзги пойабзал ва мос келадиган кўзойнак билан модель 100 фоиз комбинацияни ҳосил қилади. Қора ранг орқали модель қоматига алоҳида урғу беради.
Алекса Чанг
Калта юбкаларни одатда бўйи баланд аёллар кийиши керак, деган қараш мавжуд. Аммо буни аксини такрорлайдиган Алекса Чанг ўзига хос образ яратади. Калта юбка ва қора колготка билан ҳам қоматдаги нуқсонларни яшириш мумкин.
Оливия Палермо
2018 йилда Оливия Палермо чизиқ-чизиқ свитер билан образ яратди. Модель кўринишини чарм шим ва калта этиклар билан уйғунлаштирган.
Хейли Бибер
Катта ўлчамдаги блайзерни свитер, футболка ва майка устидан кийиш мумкин. Хейли Бибер ушбу услубдан тез-тез фойдаланади. Джинси ва оқ футболка билан биргаликда блайзер кундалик қулай кийимга айланади.
Изоҳ (0)