Ҳақиқий севги ҳеч қандай қийинчиликлардан қўрқмайди, дейишади. Ёшдаги катта фарқ, жамиятдаги тенг бўлмаган мавқе ва ҳаёт синовлари — буларнинг барчаси ҳақиқатан ҳам икки кишининг руҳи бир-бирига интилганда ўз аҳамиятини йўқотади.
AdMe нашри таништирмоқчи бўлган бугунги қаҳрамонлар нима бўлишидан қатъи назар севгини топишга муваффақ бўлган ва уларнинг муҳаббат тарихи ўқувчиларни ҳайратлантириши шубҳасиз.
Дэвид Миллс ва Жуди Денч
2001 йилда Жуди Денч 30 йил бирга яшаган турмуш ўртоғидан айрилди. Бўлиб ўтган ишлардан сўнг актриса узоқ вақт ёлғиз қолди ва яна кимдир билан ҳаёт йўлларини боғлашга умид қилмаган. Бироқ 76 ёшида актриса 67 ёшли табиатни муҳофаза қилувчи Дэвид Миллс билан танишди. 10 йилдан ортиқ вақт давомида муносабатларини мустаҳкамлаган жуфтлик турмуш қуриш ҳақида ўйламоқда.
Пинк ва Кери Харт
Пинк ва мотоцикл пойгачиси Кери Харт 20 йилдан ортиқ вақт давомида бирга. Бу вақт ичида жуфтлик кўп қийинчиликларни бошдан кечирди. 2008 йилда улар ажрашишга қарор қилди, аммо оилавий терапия туфайли муносабатлар инқирозини енгиб ўтди. Муносабатлар қайта тиклангандан сўнг жуфтлик қизи Уиллоу ва Жеймсон исмли ўғилнинг бахтли ота-онасига айланди.
Жейк Жилленхол ва Жанна Каде
41 ёшли Жейк Жилленхол ва 25 ёшли француз модели Жанна Каденинг муносабатлари ҳақида биринчи марта 2018 йилда миш-мишлар тарқалди. Ёш орасидаги катта фарққа қарамай, севишганлар биргаликда ниҳоятда бахтлидир.
Бен Аффлек ва Женнифер Лопес
Бу жуфтлик номи билан аталган «Беннифер»нинг тарихи 2001 йилда «Жили» фильмининг суратга олиш майдончасида бошланган ва улар ўртасидаги ишқий муносабатлар 2002 йилда бошланган. Жуфтлик 2 йиллик муносабатдан кейин тўй санасини белгилашди, лекин никоҳдан бир неча кун олдин улар маросимни номаълум муддатга қолдирди. Орадан 17 йил ўтиб, Женнифер ва Бен яна турмуш қуришга қарор қилди ва 2022 йил апрель ойида жуфтлик иккинчи марта унаштирилди.
Бен Стиллер ва Кристин Тэйлор
Актёр Бен Стиллер ва актриса Кристин Тэйлор 1999 йилда телевизион лойиҳада учрашишди. Бир йил ўтгач, улар муносабатларни расман рўйхатдан ўтказди ва 2017 йилгача бирга бахтли яшади. Кейин уларнинг никоҳи бузилгани маълум бўлди. Аммо танаффусдан бир неча йил ўтгач, Стиллер ва Тэйлор яна тиклашга муваффақ бўлди.
Стелла Арройяве ва Энтони Хопкинс
Энтони Хопкинс бўлажак рафиқаси Стелла Арройяве билан 2001 йилда аёл ишлаган ноёб буюмлар дўконида танишган. Актёр аслида у ерга уйи учун мебель излаш учун борганди ва умр йўлдошини ҳам топишга муваффақ бўлди. Стелла дарҳол Хопкинсда таассурот қолдирди: у ўзининг қувноқлиги ва жўшқинлиги билан унинг қалбини забт этди. 2 йил ўтгач, жуфтлик ришталарни боғлади ва шундан бери бахтли ҳаёт кечириб келмоқда. Ҳозир актёр 84, рафиқаси эса 66 ёшда.
Жастин Тимберлейк ва Жессика Бил
Жастин Тимберлейк ва Жессика Бил 2007 йилдан бери бирга. Жуфтлик ҳар доим биргаликда ҳаётларидаги турли, баъзан эса энг осон бўлмаган дақиқаларни енгиб ўтди. 2019 йил Жастин рафиқасига хиёнат қилди, у ҳамкасби Алиша Уэйнрайт бўлиб чиқди. Уларнинг сурати бир зумда тармоқ бўйлаб тарқалди, Жастин хиёнатда айбланди. Хонанда ҳеч нарсани инкор этмади, у ҳақиқатан ҳам суратдаги ўзи эканини тушунтирди, лекин ҳамкасби билан ўртасида ҳеч нарса йўқлигини маълум қилди. Бунинг устига, қўшиқчи хотинидан очиқчасига кечирим сўради. 8 ойдан сўнг жуфтлик иккинчи марта ота-она бўлди ва уларнинг оиласидаги ёқимсиз саҳифа ёпилди.
Кристина Сандера ва Клинт Иствуд
Клинт Иствуд севгилиси Кристина Сандера билан ўртасидаги 33 ёш фарқда ҳеч қандай муаммо кўрмаяпти. Айтганча, аёл Иствудга тегишли муассасалардан бирида етакчи ходим бўлиб ишлаган.
Рико Шибата ва Николас Кейж
2021 йил февраль ойида Николас Кейж 5 марта турмуш қурди. Актёрнинг рафиқаси ўзидан 31 ёш кичик Рико Шибата исмли қиз эди. Муҳаббат ёш танламаслигига яна бир ажойиб мисол.
Мерайя Кери ва Брайан Танака
Мерайя Кери ва Брайан Танака бир-бирларини кўп йиллардан бери билади, бироқ улар ўртасида 2016 йилдагина муҳаббат учқун пайдо бўлган. Кейин қўшиқчи Жеймс Пакер билан унаштирувини бекор қилди. Шундан сўнг жуфтлик бахтли ҳаёт кечиришга ҳаракат қилиб келмоқда. Ҳозир қўшиқчи 53, севгилиси эса 38 ёшда, лекин бу ёш фақат рақамларни англатади холос.
Изоҳ (0)