Ҳозирги кунда юлдузлар танқидлардан қўрқмайди ва 35 ёшдан кейин ҳам фарзанд кўриш ҳақида қарор қабул қилади. Cosmopolitan нашри ушбу мақолада айнан шундай ҳомиладор машҳур оналарни санаб ўтди.
Мария Шарапова, 35 ёш
Россиялик теннисчи Мария Шарапова 35 ёшга тўлган куни ҳомиладорлигини эълон қилди. Спортчи ва унинг турмуш ўртоғи британиялик бизнесмен Александр Гилкс учун туғилажак чақалоқ биринчиси.
Ҳилария Болдуин, 38 ёш
Алек ва Ҳилария Болдуин ҳар доим катта оилани орзу қилган ва улар бу борада омадли. Эр-хотин ҳозирда олти фарзандни тарбияламоқда, қаҳрамон она эса еттинчи фарзандини ҳам дунёга келтиришга тайёр! 2019 йилда ҳомиласидан айрилганидан сўнг Ҳилария жуда эҳтиёткор бўлиб қолган. У ҳатто чақалоқнинг юрак уришини назорат қилиш учун махсус қурилма сотиб олди.
Бритни Спирс, 40 ёш
Бритни — тақдирига бутун дунё ачинган машҳур хонанда. Васийлик тугаши билан хонанданинг ҳаёти тубдан ўзгарди: у Сем Асгари билан, миш-мишларга кўра, аллақачон турмуш қуришга муваффақ бўлган ва улар фарзанд ҳам кутмоқда. Спирс учун чақалоқ учинчиси, Сем учун эса биринчи фарзанд ҳисобланади.
Адриана Лима, 40 ёш
Супермодель учинчи фарзандини кутмоқда. Яқинда бўлиб ўтган жинсини аниқлаш маросимида Адриана ўғил фарзандли бўлиши маълум бўлди. Эслатиб ўтамиз, у аллақачон Марк Ярич билан биргаликда икки қизни тарбияламоқда.
Милла Йовович, 46 ёш
Милла Йовович тўртинчи бор ҳомиладорлигини эълон қилмасликка ҳаракат қилди. Аммо кундан кунга катталашаётган қоринни яширишнинг иложи бўлмади. 46 ёшли актриса ажойиб кўринишда, ҳатто анча ёш ҳам кўринади. Шунинг учун у 50 ёшида яна она бўлишга қарор қилса ҳам, ажабланмаймиз!
Изоҳ (0)