Харьков ва Львовга ракета зарбалари берилмоқда. Буча электр ва сувсиз қолмоқда. Урушнинг 54-кунидан фоторепортаж
Украинада уруш бошланганига 54 кун тўлди. Львов бомбардимон қилинмоқда. Харьков ҳам (болалар майдончалари ва гуманитар ёрдам нуқталарига снаряд тушган). Бучада ҳалигача электр, газ ва сув йўқ. Мариуполда минглаб одамлар «Азовсталь» заводида қамалда қолган — Владимир Зеленский агар улар ўлдирилса, Киев Москва билан музокараларга нуқта қўйишини айтганди. Meduza урушнинг 18 апрелга оид суратларини жамлади.
Львовга қилинган ракета ҳужумларидан кейинги тутун. Россия Мудофаа вазирлиги «хорижий қуролларнинг катта партиялари» сақланадиган логистика марказига зарба берганини маълум қилди. Львов вилояти расмийларига кўра, зарбалар нафақат ҳарбий объектларга, балки тинч аҳоли объектларига ҳам берилган. Оқибатда 7 киши ҳалок бўлган, 11 киши, жумладан, бир бола яраланган.Фото: Sopa Images
Мариуполдаги «Азовсталь» заводи. Шаҳар полициясига кўра, завод ҳудудида мингга яқин тинч аҳоли яширинган. Россия Мудофаа вазирлиги завод ҳудудида 2,5 минг ҳарбий хизматчи борлигини билдирган. Владимир Зеленский «Азовсталь»да мудофаани ушлаб турган одамлар ўлдирилган тақдирда Киев Москва билан музокаралар олиб бормаслигини айтган.Фото: Reuters
Илич номидаги Мариупол металлургия заводи ҳудудидаги «Ахмат» чечен батальони. Аввалроқ Россия Мудофаа вазирлиги завод «украин миллатчилари»дан бутунлай озод қилингани ҳақида хабар берганди.Фото: «Коммерсантъ»
