Xarkov va Lvovga raketa zarbalari berilmoqda. Bucha elektr va suvsiz qolmoqda. Urushning 54-kunidan fotoreportaj
Ukrainada urush boshlanganiga 54 kun to‘ldi. Lvov bombardimon qilinmoqda. Xarkov ham (bolalar maydonchalari va gumanitar yordam nuqtalariga snaryad tushgan). Buchada haligacha elektr, gaz va suv yo‘q. Mariupolda minglab odamlar “Azovstal” zavodida qamalda qolgan — Vladimir Zelenskiy agar ular o‘ldirilsa, Kiyev Moskva bilan muzokaralarga nuqta qo‘yishini aytgandi. Meduza urushning 18-aprelga oid suratlarini jamladi.
Lvovga qilingan raketa hujumlaridan keyingi tutun. Rossiya Mudofaa vazirligi “xorijiy qurollarning katta partiyalari” saqlanadigan logistika markaziga zarba berganini ma’lum qildi. Lvov viloyati rasmiylariga ko‘ra, zarbalar nafaqat harbiy obyektlarga, balki tinch aholi obyektlariga ham berilgan. Oqibatda 7 kishi halok bo‘lgan, 11 kishi, jumladan, bir bola yaralangan.Foto: Sopa Images
O‘t o‘chiruvchilar Lvovga qilingan hujum vaqtida vayron qilingan shinomontajdagi yong‘inni o‘chirmoqda.Foto: AP Photo
Buchalik erkak ishdan chiqarilgan rus texnikasini ko‘zdan kechirmoqda. U, nogiron rafiqasi va o‘g‘li Rossiya istilosi paytida yerto‘laga yashiringan.Foto: Getty Images
Chernigov yaqinida o‘yinchoq miltiq ko‘targan bola ishdan chiqarilgan Rossiya texnikasining oldida.Foto: AP Photo
O‘t o‘chiruvchi Rossiya artilleriyasidan o‘qqa tutilib, yonib ketgan garajga kirishga urinmoqda. XarkovFoto: EPA
Otasining jasadi yonida yig‘layotgan ayol, Xarkov.Foto: AP Photo
Bucha aholisi Qizil Xoch hamjamiyati tomonidan oziq-ovqat tarqatilishi paytida navbatda turibdi.Foto: AP Photo
Qo‘shnisiga choy berayotgan ayol. Buchada suvni uylar hovlisida olovda qaynatishmoqda. Shaharda haliyam elektr, suv va gaz yo‘q.Foto: AP Photo
Kiyev muzeyi eksponatlarni xavfsiz joyda saqlash uchun yuborgan.Foto: Kyiv City State Administration
Kramatorskda ukrainalik askar va 18-aprel kuni ertalab shaharga urilgan raketa parchalariFoto: Getty Images
Lugansk viloyatining Rubijnoy shahri uzra ko‘tarilgan tutun. Surat Novodrujesk qishlog‘ida olinganFoto: AFP
Mariupoldagi “Azovstal” zavodi. Shahar politsiyasiga ko‘ra, zavod hududida mingga yaqin tinch aholi yashiringan. Rossiya Mudofaa vazirligi zavod hududida 2,5 ming harbiy xizmatchi borligini bildirgan. Vladimir Zelenskiy “Azovstal”da mudofaani ushlab turgan odamlar o‘ldirilgan taqdirda Kiyev Moskva bilan muzokaralar olib bormasligini aytgan.Foto: Reuters
Ilich nomidagi Mariupol metallurgiya zavodi hududidagi “Axmat” chechen batalyoni. Avvalroq Rossiya Mudofaa vazirligi zavod “ukrain millatchilari”dan butunlay ozod qilingani haqida xabar bergandi.Foto: “Kommersant”
Izoh (0)