Ўзбекистонда 2020 йилдан бошлаб ҳокимликка аёл раҳбарларни тайинлаш амалиёти жорий этилди. Ўтган давр мобайнида республиканинг олтита вилоятидаги шаҳар ва туманлар, жумладан, Андижоннинг Бўстон, Наманганнинг Тўрақўрғон, Сирдарё вилоятининг Боёвут, Бухоронинг Олот тумани, Қашқадарёнинг Қарши туманларида аёл ҳокимлар фаолият юритди. Айни кунга келиб Қарши тумани ҳокими Мақсуда Мустафоева ишдан олинган бўлса, Тўрақўрғон ҳокими қўмита раислигига ўтди.
«Дарё» мухбирлари айни кунда фаолият юритаётган аёл ҳокимлар — Андижон вилоятининг Бўстон тумани ҳокими Санобархон Носирова, Самарқанд вилоятининг Каттақўрғон шаҳри ҳокими, сенатор Гавҳар Алимова ҳамда Сирдарё вилояти Боёвут тумани ҳокими сенатор Дилфуза Ўраловалар билан суҳбатлашиб, ҳокимликнинг аёл учун муаммо туғдирадиган жиҳатларини сўради.
Ишсизлик ва уй-жой масалалари қийнайди
Боқиманда одамлар билан ишлаганда асабларим анча толиқади. Шундай одамлар билан суҳбатлашганимда, «бу инсонлар нега ношукр, меҳнат қилиб, интилса бўлмайдими?», деган савол туғилади. Барча соҳаларда бўлаётган ислоҳотларни кўриб туриб, кўрмасликка оладиган одамларнинг фикрларига ҳайрон қоламан. Тўғриси, ижтимоий тармоқларда шундай инсонлар ёзаётган бемаза гап-сўзларга асабим дош бермайди. Саъй-ҳаракатларимизни кўриб, қўллаб-қувватлайдиган, илиқ сўзлар айтадиган фуқаролардан эса куч оламан.Инвесторларни жалб қилишда оқсоқлигимиз борлигини билдимБизнинг ҳудудда ишсизлик даражаси ачна юқори. Каттақўрғонга 35-40 йил давомида республикадан умуман ёрдам кўрсатилмаган. Кўплаб ишлаб чиқариш объектлари хусусийлаштириб юборилган. Мени ишсизлик ва уй-жой масалалари қийнайди. Бироқ бу бўйича бир йил давомида қатор лойиҳаларни амалга оширишни мақсад қилганмиз ва ҳаракатлар бошланган. Сўзим якунида шуни айтмоқчиманки, Каттақўрғон шаҳри аҳолисига аёл ҳоким сифатида таъзим қиламан. Сабаби улар мени жуда ҳам яхши қабул қилишди, аёллигим сабаб камситиш ёки ёрдам кўрсатмаслик ҳолатларига учрамадим.
Гавҳар Алимова, Каттақўрғон шаҳри ҳокими, сенатор
Аслида таълим соҳасидан чиққан бўлсам-да, кўп йиллар турли йўналишларда ишладим, тажриба орттирдим. Ҳар бир соҳанинг ичига кириб боравериш керак экан. Натижани эса вақт ва амалдаги ҳаракатлар кўрсатар экан. Бугунги кунда туманга инвесторларни жалб қилишда оқсоқлигимиз борлигини билдим. Бошқа мамлакатларнинг тажрибасини ўрганиш, хорижий тилларни билиш зарур экан. Қийинчиликлар бўлишига қарамай, инвесторлар билан иш олиб боришга ҳаракат қиляпмиз. Бу ҳаракатларимиз орқали тумандаги ишсизлар ишли бўлади, ҳудуд ривожланади.Деҳқон оиласида туғилганман, аммо қишлоқ хўжалиги бўйича қийналаманДилфуза Ўралова, Сирдарё вилояти Боёвут тумани ҳокими, сенатор
Ўзим деҳқон оиласида туғилганман. Дала ишларини ҳам яхши тушунаман. Мутахассислигим бўйича агрономман. 1992 йил Андижондаги пахтачилик институтини қизил диплом билан тамомлаганман. Шундай бўлса ҳам қишлоқ хўжалиги бўйича ўринбосарим, фермерлар кенгаши раиси ва шу соҳага алоқадар шахслар билан бирга ишламасам бўлмайди, уларсиз қийналиб қоламан. Ҳозирги кунда ғаллачилик кластери устида бош қотиришимизга тўғри келяпти. Чунки ғаллачилик кластери бўйича тизим энди ташкил қилинмоқда. Бўстон тумани қишлоқ хўжалигига ихтисослашган туман. 2021 йил туман мева сабзавот экпорти бўйича режани бажаролмаган. Мева-сабзавот етиштириш бўйича кластер тизимини яратмасам, ғаллачилик кластери ишини тезроқ ташкил қилмасам мен учун ҳам бу қийинчиликлар баратараф этилмайдиган муаммо бўлиб қолаверсади. Мени қийнаб тургани шу икки муаммо, холос.15 йил депутат бўлганман, шу йиллар давомида халқ орасида бўлдим. Шунинг учун ҳокимлик тизими менга унчалик ҳам қийинчилик туғдиргани йўқ. Қолаверса, собиқ ҳоким марҳума Садбар опа бошлаб қўйган ишларнинг ҳаммаси тизимли ташкил қилингани учун чала қолмаган. Биз ҳам 2022—2026 йиллар оралиғида Бўстон туманини ижтимоий-иқтисодий ривожлантириш тўғрисида концепция ишлаб чиққанмиз. Бунда устувор йўналишлар белгилаб қўйилган. Буни ўзимнинг халққа қилган мурожаатимда ҳам айтиб ўтганман.
Умиджон Мамарасулов ҳамда Миролим Исажоновлар суҳбатлашди.
Изоҳ (0)