8 март куни маҳаллий вақт билан соат 19:10 да (Тошкент вақти билан 23:10) Польшанинг Катовице шаҳри аэропортидан Uzbekistan Airways авиакомпаниясининг бортида 250 нафар Ўзбекистон фуқароси бўлган навбатдаги махсус рейси учди, деб хабар бермоқда «Дунё» агентлиги.
Ўзбекистоннинг Польшадаги элчихонаси маълумотларига кўра, Uzbekistan Airways авиакомпанияси самолётлари ўзбекистонликларни эвакуация қилиш даврида 22 та махсус рейсни амалга оширган. 27 февралдан 9 март тонгига қадар Польшадан махсус бортлар орқали Ўзбекистонга 4787 киши олиб келинган.
Польша ҳудудида Ўзбекистоннинг 260 нафар фуқароси қолмоқда.
Польшадаги элчихона ходимлари «Карчова» назорат-ўтказиш пункти ва Катовице аэропортидаги қабул қилиш пунктида фуқароларнинг муаммоларини ҳал қилмоқда, уларни аэропортга етиб бориши билан шуғулланяпти, рўйхатларни шакллантирмоқда.
Аввалроқ Ўзбекистон ТИВ расмий вакили Молдова ҳудудида бўлиб турган Ўзбекистон фуқароларини олиб чиқиш масаласини ишлаб чиқиш бошланганини маълум қилганди.
Изоҳ (0)