Москва ҳамда Киев делегациялари Беларусда бўлиб ўтган музокараларнинг биринчи раундини якунлади. Бу ҳақда Украина президенти офиси раҳбарининг маслаҳатчиси Михаил Подоляк маълум қилди. Унинг баёноти «БелТА» ахборот агентлиги томонидан тўғридан-тўғри эфирда намойиш этилган.
Музокаралар, тахминан, беш соат давом этди. Подолякнинг сўзларига кўра, муҳокамаларнинг асосий мавзуси ўт очишни ва Украинадаги ҳарбий ҳаракатларни тўхтатишга қаратилган.
«Томонлар музокараларнинг асосий мақсадларини белгилаб олди, масалаларнинг ечимлари бўйича таклифлар ойдинлашди. Уларни амалга ошириш мақсадида томонлар ўз пойтахтларига маслаҳатлашувлар учун қайтиб кетди», — деган Подоляк.
Унинг қўшимча қилишича, делегациялар яқин кунларда музокараларнинг иккинчи раундини ўтказиш масаласини ҳам муҳокама қилган.
Россия делегацияси раҳбари президенти маслаҳатчиси Владимир Мединский томонларнинг умумий позициялар прогноз қилинадиган айрим нуқтаи назарларни белгилаб олган.
«Музокараларнинг асосий натижаси шуки, бу музокаралар бўлиб ўтди ва томонлар бир-бирини эшитди. Яқин кунларда бироз олдинга силжиш бўлиши мумкин. Украин делегацияси масаланинг энг муҳим қисмларини эшитиш ва ҳал қилишга тайёр эди. Бу эса жуда ва жуда муҳим. Кейинги воқеалар қандай бўлишини яқин кунлар кўрсатади», — деган Россия делегацияси аъзоси Слуцкий.
Ўз мамлакатларида раҳбарият билан маслаҳатлашувлардан кейин делегациялар яқин кунлар ичида яна музокаралар столига ўтиради. Кейинги учрашув Польша—Беларусь чегарасида бўлиб ўтиши кутилмоқда.
Россия 24 февралда Украинада махсус ҳарбий операцияларни бошлаганини эълон қилган. Томонлар 27 февралда музокаралар ўтказиш ҳақида келишиб олди. Россия музокараларни Гомел шаҳрида ўтказишни режа қилган ва ушбу шаҳарни Украина таклиф этганини билдирган.
Украина президенти Владимир Зеленский Киевнинг музокараларни Россия ўз ракеталарини Украинага йўналтирган Беларусда ўтказмоқчи эмаслигини қайд этган. У ҳар қандай бетараф мамлакат ҳудудида музокара олиб боришга тайёрлигини таъкидлаган.
Якунда томонлар Украина – Беларусь чегарасидаги Гомел вилоятида Припят дарёси қирғоғи яқинидаги резиденцияда учрашув ўтказишни келишиб олди.
Украина делегацияси таркибига Михаил Подоляк, шунингдек Олий Рададаги «Халқ хизматчиси» ҳукмрон партияси фракцияси раҳбари Давид Арахамия, Украина мудофаа вазири Алексей Резников киритилган. Россия делегациясида эса Владимир Мединский, Россия ТИВ вакиллари, Мудофаа вазирлиги ҳамда президент администрацияси масъуллари 1-раундда эиштирок этган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)