Андижон вилояти Олтинкўл туманида фуқароларни пул эвазига ишга ва ўқишга киритиб қўйишни ваъда қилган шахслар қўлга олинди, деб хабар беради Бош прокуратура ҳузуридаги департамент.
Маълум қилинишича, департамент ҳамда ДХХнинг Олтинкўл тумани бўлимлари томонидан фуқароларнинг ҳуқуқ ва манфаатларини ҳимоя қилиш юзасидан тезкор тадбир ўтказилган. Тадбирда З.У., Ш.Г. (муқаддам фирибгарлик ва бошқа жиноятлари учун судланган) ва К.А. исмли шахслар олдиндан тил бириктириб, гўёки ўзларининг Тошкент шаҳридаги танишлари орқали фуқаро О.ни Миллий гвардия тизимига ишга жойлаштириш ва фуқаро I.ни Жаҳон иқтисодиёти ва дипломатия университетига ўқишга киритиб қўйишни ваъда қилгани аниқланган.
Улар «ўз хизмати» эвазига фуқаролардан 32 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Андижон ва Хоразм вилоятларида фуқароларни ўқишга киритиш учун жами 3 минг доллар олган шахслар ушлангани, Қашқадарёда Миллий гвардияга ишга киритиб қўйиш учун 4 минг доллар олган шахс қўлга олингани тўғрисида хабар берилганди.
Мавзуга доир:
- Наманганда шифохонага ишга киритиб қўйиш учун 700 доллар сўраган ҳамшира ва мудир ўринбосари ушланди
- Бухорода фуқарони нефть заводига ишга киритиб қўйиш учун 2 минг доллар олган шахс ушланди
- Навоий вилояти халқ таълими бошқармаси ҳайдовчиси пора билан қўлга тушди
- Самарқандда ишга жойлаш учун пора олган мактаб директори ва шифокор қўлга олинди
Изоҳ (0)