Bugun,

  • USD 11095.31
  • RUB 173.84
  • EUR 10772.44

Namangan viloyatida fuqaroni hamshiralikka ishga kiritib qo‘ymoqchi bo‘lgan hamshira va uning sherigi — mudir o‘rinbosari ushlandi, deb xabar beradi Bosh prokuratura huzuridagi departament.

Foto: Bosh prokuratura huzuridagi departament

Foto: Bosh prokuratura huzuridagi departament

Ma’lum qilinishicha, departamentning Namangan shahar bo‘limi tomonidan tezkor tadbir o‘tkazilgan. Tadbirda Namangan viloyati perinatal markazi hamshirasi M.S. fuqaro F.ni sog‘liqni saqlash boshqarmasida ishlovchi tanishi orqali kardiologiya shifoxonasiga ishga kiritib qo‘yishga va’da bergani aniqlangan. Buning evaziga u fuqaro F.dan 700 dollarni olgan vaqtida qo‘lga olingan va uning ko‘rsatmasiga asosan tadbir davom ettirilgan.

Natijada Namangan viloyat Sog‘liqni saqlash boshqarmasiga qarashli Maxsus zaxira bazasi bo‘limi mudiri o‘rinbosari A.A. hamshira M.S.dan 700 dollarni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Avvalroq Samarqandda texnikumga o‘qishga kiritib qo‘yish evaziga 700 dollar pora olgan o‘qituvchi ushlangani, Navoiy viloyati xalq ta’limi boshqarmasi haydovchisi pora bilan qo‘lga tushgani, Samarqandda ishga joylash uchun pora olgan maktab direktori va shifokor ushlangani to‘g‘risida xabar berilgandi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi