Ўзбекистон ташқи ишлар вазири Абдулазиз Комилов 28 февраль куни бўлиб ўтган ТИВнинг кенгайтирилган ҳайъат йиғилишида вазирлик таркибий бўлинмаларига янги тайинланган раҳбарларни таништирди. Бу ҳақда «Дунё» агентлиги хабар берди.
Ўзбекистоннинг Бирлашган Араб Амирликларидаги элчиси лавозимида ишлаган Бахтиёр Ибрагимов вазирлик Иқтисодий дипломатия департаменти директори лавозимига тайинланган.
Шунингдек, Давлат протоколи бошқармаси бўлим бошлиғи бўлиб ишлаб келаётган Сарвар Мирзараҳимов мазкур бошқарма бошлиғи вазифасини бажарувчи лавозимига тасдиқланган.
Ташқи ишлар вазирлиги Молия-иқтисодиёт бошқармаси бош мутахассиси Умид Акромов эса Иқтисодий таъминот бўлими бошлиғи вазифасини бажарувчи лавозимига тайинланган.
Аввалроқ Абдулазиз Комилов Саудия Арабистони ташқи ишлар вазирига табрик йўллагани, Ўзбекистонда дипломатик миссиясини якунлаётган Фаластин ва Жанубий Корея элчиларини қабул қилгани тўғрисида хабар берилганди.
Изоҳ (0)