Amazon Studios компанияси «Узуклар ҳукмдори: Қудрат узуклари» фильмининг биринчи трейлерини намойиш этди, деб хабар бермоқда Citylife magazine нашри.
Amazon сериалидаги воқеалар Питер Жексоннинг «Узуклар ҳукмдори» ва «Хоббит» трилогиялариидан бир неча минг йил аввал Ўрта Ернинг иккинчи даврида бўлиб ўтади.
Фильмда биринчи трилогия воқеаларида иштирок этган қаҳрамонларни кўриш мумкин, булар минг йиллар давомида яшайдиган элфлар — Галадриэл ва Элронд. Шунингдек, сериалда томошабинларга маълум бўлган яна бир қаҳрамон — сеҳргар Саурон ҳақида ҳам ҳикоя қилинади.
Хабарда айтилишича, Жон Роналд Толкиннинг асарлари асосида суратга олинган янги сериал тарихдаги энг қиммат сериал бўлади. Биринчи қисм намойиши шу йилнинг сентябрь ойига режалаштирилган. Биринчи фасл 8 қисмдан иборат. Amazon сериалнинг 5 фаслини суратга олишни режалаштирмоқда.
Аввалроқ Legо конструкцияси ёрдамида ясалган «Узуклар ҳукмдори» оламининг нусхаси дунёдаги энг катта инсталляцияга айлангани ҳақида хабар берилганди.
Изоҳ (0)