“O‘rgimchak odam: Uyga yo‘l yo‘q” filmi 760,9 million dollarlik daromad bilan Amerika tarixidagi eng kassabop filmlarning uchtaligiga kirdi. Film Jeyms Kemeronning “Avatar”idan (760,5 million dollar) o‘zib ketishga muvaffaq bo‘ldi.
Piter Parker hanuzgacha eng yaxshi ikki yetakchi filmdan ortda qolmoqda: “Qasoskorlar: Intiho” (858 million dollar) va “Yulduzlar jangi”ning yettinchi qismi – “Kuchning uyg‘onishi” (936 million dollar). “O‘rgimchak odam” daromadi dunyo bo‘yicha 1,8 milliard dollarni tashkil etdi va tarixda oltinchi o‘rinni egalladi. Albatta, bu ko‘rsatkich Xitoyni hisobga olmaganda, chunki film ushbu davlatda hech qachon kassalarga chiqarilmagan.
Filmda Tom Holland, Endryu Garfild, Tobi Maguayr, Zendeya, Benedikt Kamberbetch, Uillem Defo va boshqalar o‘ynagan. Sony kompaniyasi allaqachon yangi film suratga olinishini e’lon qilgan edi. Ammo unda Tom Holland ishtirok etadimi yoki yo‘q, bunisi noma’lum.
Mavzuga doir:
- “O‘rgimchak odam: Uyga yo‘l yo‘q” yilning eng kassabop filmi bo‘ldi
- “Oskar” marosimini so‘nggi uch yil ichida birinchi marta boshlovchi olib boradi. U “O‘rgimchak odam” yulduzi Tom Holland bo‘lishi mumkin
- 12 yoshidan ishlay boshlagan, “Garri Potter”ning ashaddiy muxlisi: Gollivudning tobora porlayotgan yangi yulduzi — Zendaya haqida nimalarni bilamiz?
Izoh (0)