«Tinder фирибгари» Netflix’да энг оммабоп фильмга айланди

Сўнгги пайтларда Netflix’нинг янги ҳужжатли «Tinder фирибгари» фильми ҳақида кўп гапирилмоқда. Лойиҳа чиндан ҳам машҳурликка эришди. Танишув дастуридаги фирибгар ҳақидаги фильм Netflix’да энг кўп томоша қилинган картинага айланди.

2022 йил февраль ойининг илк ҳафтасида «Tinder фирибгари» 45,8 миллиондан ортиқ томоша қилинди. Картина 92 мамлакатда энг муваффақиятли 10 та лойиҳа орасидан жой олди.

«Tinder фирибгари» фильми Tinder танишув иловасида ўз қурбонларини топган фирибгар – Саймон Леваев ҳақида ҳикоя қилади. У қизларни ҳатто сўнгги чақасигача беришга тайёр бўлиши учун қандай қилиб алдашни билади. Шу тариқа, у муҳаббат қурбонларидан 10 миллион доллардан кўпроқ пул «ишлаб олади».