Фильмларда дублёрлар хизматидан турли сабабларга кўра фойдаланилади. Масалан, вақтни тежаш ва бир нечта саҳналарни параллел равишда суратга олиш ёки харажатларни камайтириш учун, чунки уларга камроқ ҳақ тўланади. Мураккаб трюкларни бажариш керак бўлганда каскадёрлар ҳам таклиф қилинади. Аммо томошабинлар кўпинча фильмда севимли актёри ёки актрисасини эмас, балки уларнинг дублёрларини томоша қилишаётганини сезмайдилар ҳам.
«Сумерки»
Эдвард ва Белла ўрмон бўйлаб югуриб кетаётган саҳнада бирдан актёрлар ўрнига уларга умуман ўхшамайдиган одамлар пайдо бўлганини ҳамма ҳам пайқамаган бўлса керак. Иккаласининг ҳам ияклари бироз бўртганлигидан бу Роберт Паттинсон ва Кристен Стюарт эмас, балки уларнинг дублёрлари эканлиги сезилади.
«Титаник»
«Титаник» фильмида Роуз ва Жек болани қутқаришгандан сўнг сув кечиб кетаётган саҳна бор. Ўша дамда қочиб кетаётган қаҳрамоннинг юзи худди ниқобдек ғалати кўринади. Аслида бу кадрда Кейт Уинслетнинг фақат юзи қолган, компьютер графикасидан фойдаланган ҳолда кадрларга унинг дублёри қўйиб чиқилган.
«Дўстлар»
Талончиликнинг биринчи саҳнасида (9-мавсум, 15-қисм) Женнифер Энистон бошқа қиз билан алмаштирилган. Актрисалар нафақат бир-бирига ўхшамайди, балки кийимларининг принтлари ҳам турлича. Сочларининг ранги ҳар хил эканлигини гапирмаса ҳам бўлади.
«Гарри Поттер ва ҳикматлар тоши»
Гарри Поттер фильмларида дублёрлардан тез-тез фойдаланилган. Чунки актёрлар жуда кўп мураккаб трюкларни бажаришлари керак эди ва суратга олиш ҳам узоқ давом этарди. Шахмат саҳнасида Рон бирдан таниб бўлмас даражада ўзгариб қолади. Шубҳасиз, отдан йиқилишидан олдин Руперт Гринт дублёрга алмаштирилади.
«Гарри Поттер ва Азкабан маҳбуси»
Гарри Поттер фильмларида дублёрлар кўп бўлганлигини яна бир исботи. Синчков томошабинлардан бири тасодифан кадрда Северус Снейп ролини ижро этган актёрнинг алмаштирилганини пайқаб қолади. Бу одам кўриниб турганидек бурни, ажинлари, сочлари ва ияги шакли билан профессор ролини ўйнаган Алан Рикмандан кескин фарқ қилади.
«Қасоскорлар»
Сўроқ пайтида Қора бева шундай салтолар қиладики, Скарлетт Йоханссон дублёр билан алмаштирилганини сезмай қолиш мумкин. Трюклардан бирини стулда бажариш пайтида аёлнинг нотаниш юзи ва мушакдор қўлларини кўриш мумкин, шундагина бу Скарлетт эмаслиги аён бўлади.
«Юлдузли йўл: кейинги авлод»
Жанг саҳналаридан бирида капитан Жан-Люк Пикарнинг ролида Патрик Стюарт эмас, балки бошқа одам эканлигини кўриш мумкин. Сочларнинг ғалати кўриниши айниқса ҳайратланарли. Ушбу сериалдаги Патрик Стюарт бажариши керак бўлган кўплаб трюклар каскадёр Тим Стормс томонидан ижро этилган.
«Тахтлар ўйини»
Серсея Ланнистер 5-мавсумда ахлоқсиз хатти-ҳаракатлари учун жазоланади. Айбини ювиш учун у сочини олдириб, Қироллик майдони кўчалари бўйлаб шармандали ҳолатда юришга мажбур бўлади. Сериал суратга олингандан сўнг, кўчада Лена Хедининг ўрнига унинг дублёри юргани маълум бўлди: унинг танасига актрисанинг боши «ёпиштирилган» холос.
Изоҳ (0)