Баъзида ҳатто йирик киностудиялар учун ҳам миллион долларлик бюджетга эга фильмга афиша яратиш қийинчилик туғдириши мумкин. Дизайнерлар бошқалардан ажралиб турадиган ёрқин афиша ясашга ҳаракат қилиб, фотошоп ёрдамида актёрларнинг қоматларини тўғрилайди ёки янги сурат қўшади. Шу сабаб ҳам айрим ҳолларда фильм постерларида хатоликка йўл қўйилади.
AdMe нашри машҳур Голливуд фильмларининг ана шундай хато ва камчиликларга эга афишаларини эътиборингизга ҳавола қилади.
«Бош қаҳрамон»
«Бош қаҳрамон» фильми афишасидаги бу хатоликни эса россиялик дизайнер Константин Коновалов пайқаб қолиб, ўзининг Twitter’ида ёзган. Ҳақиқатан ҳам диққат билан қарасангиз, Райан Рейнолдснинг орқасидаги фонда Москва Ситининг осмонўпар биноларини кўриш мумкин.
«Суперқиз»
Суперқаҳрамон қиз ҳақидаги илк фильмлардан бири «Суперқиз» кассабоплиги бўйича омадсизликка учради. Аммо бу картинанинг ягона муваффақиятсизлиги эмас. Афишада ҳам хатолик юз берган: қиз Озодлик ҳайкали ёнидан учиб ўтмоқда, аслида, машъала ҳайкалнинг афишадаги каби чап қўлида эмас, ўнг қўлида бўлиши керак.
«Чиройли аёл»
«Чиройли аёл» шу қадар узоқ суратга олинганки, Ричард Гирнинг сочлари оқариб кетганми? Сийрак оқ сочлар ҳар доим актёрнинг эътибор тортадиган жиҳати бўлиб келган, аммо нега дизайнерлар уни афишада бўяшга қарор қилишгани тушунарсиз.
«Биринчи қасоскор: бошқа уруш»
Marvel Studios ҳам «Биринчи қасоскор: бошқа уруш» фильмининг афишаларида ўз суперқаҳрамонларини янада мукаммал кўрсатиш учун ҳаракат қилишда ажралиб туради. Мухлислар Қора бева образидаги Скарлетт Йоханссоннинг белини ҳаддан ташқари ингичкалаштирганини дарҳол сезишган, гарчи актриса фотошопсиз ҳам ажойиб кўринади.
«Тўққиз ярд – 2»
Оҳ, Брюс Уиллиснинг қандай нафис оёқлари бор-а! Ишониш қийин. Аммо бу ҳали ҳаммаси эмас: афишада Метю Перри оқарган қошлари билан малла бўлиб кўринади, гарчи фильмда унинг сочлари қора. Венгрия мафиозининг катта қўллари бош қаҳрамонлар елкасига беўхшов ташлангани ҳам эътиборни тортади.
«Ўргимчак одам: Уйдан узоқда»
Marvel’нинг ҳақиқий мухлисларидан ҳеч нарсани яшириб бўлмайди, ижтимоий тармоқда улардан бири иккита плакатни ҳам суратга олиб: «Хўш, қайси кўз шикастланган?» — деб сўраган. Дарҳақиқат, битта афишада бандаж ўнг кўзда, иккинчисида - чапда. Ҳатто Самюэль Л. Жексоннинг ўзи ҳам бу постни кўриб, Instagram’да: «Бу ерда нималар бўляпти ўзи?» деб изоҳ қолдирган.
«Ўргимчак одам: Уйга йўл йўқ»
Францҳизанинг сўнгги қисми ҳам диққатни тортади. Эҳтимол, дизайнерлар белгиланган муддатда улгурмай, зудлик билан афиша тайёрлашлари керак бўлгандир. Улар ўргимчак одамни фильмнинг ҳеч бир жойида киймайдиган эски «одатий» костюмда тасвирлашган. Кейинчалик, бу афиша янгиси билан алмаштирилган, унда бош қаҳрамон замонавий темир костюмда кўриниш беради.
Аммо ижтимоий тармоқлардаги мухлислар аллақачон график дизайнерларни қоралаб, нега фильмнинг биринчи ярмида тасвирланган ўргимчак одамнинг замонавий либосини чизишмаганига изоҳ сўрашган.
«Конг: Бош суяги ороли»
Кинг Конг ҳақидаги навбатдаги фильмнинг афишаси бироз чалғитувчи. Улкан маймун ёнидан учиб ўтаётган вертолёт унинг катта кўзлари олдида жуда кичик кўринади. Фильмнинг ўзида эса «темир қушлар» анча катта. Конгнинг боши қаршисида турган асосий қаҳрамонлар билан солиштирилганда, чиндан ҳам постерда хатолик кетганини кўрасиз.
Мавзуга доир:
- Сунъий кўз ёшлар: Жаҳон киноси юлдузлари суратга олиш майдончасида «йиғлаш» учун қандай усуллардан фойдаланади?
- Машҳур актёр ва актрисалар ўрнини дублёрлар эгаллаганини томошабинлар сезмай қолган фильм ва сериаллар (фото)
- Мерил Стрип, Эмма Стоун ва машҳур фильмлар учун кастингдан ўта олмаган бошқа Голливуд юлдузлари (фото)
- «У салбий қаҳрамонни ижро этиб ҳам томошабин меҳрига сазовор бўлар эди». Леонид Куравлёвнинг ҳаёти ва ижоди ҳақида (фото)
Изоҳ (0)