Микротўлқинли печда пишириладиган брауни рецепти

Бор-йўғи 20 дақиқада тайёр бўладиган такрорланмас таъмга эга брауни десерт учун ажойиб танлов.

Керакли маҳсулотлар:

• сариёғ – 150 грамм;
• шоколад – 75 грамм;
• шакар – 200 грамм;
• ваниль – 1 чой қошиқ;
• какао – 65 грамм;
• тухум – 2 дона;
• ун – 50 грамм;
• туз – бир чимдим.

1. Ўртача катталикдаги тўртбурчак қолип сариёғ билан ёғланади.
2. Шоколад майда тўғралади ёки қирғичдан ўтказилади.
3. Сариёғ микротўлқинли печда 25-30 сония давомида эритилади. Бироз совитишга қўйилади.
4. Устидан туз, шакар, ваниль ва какао солинади. Миксер билан яхшилаб аралаштирилади.
5. Сўнгра бирин-кетин тухум ва охирида шоколад қўшиб, аралаштирилади.
6. Тайёр бўлган хамир қолипга қуйилади ва энг юқори даражада 4-5 дақиқа давомида пиширилади.
7. Ширинлик совитилгач, бўлакларга бўлиниб, дастурхонга тортилади.