Исмалоқ қўшиб тайёрланадиган пишлоқли таёқчалар

Бетакрор таъмга эга пишлоқли таёқчаларни соус билан биргаликда дастурхонга тортинг.

Керакли маҳсулотлар:

• исмалоқ – 100 грамм;
• моцарелла – 200-300 грамм;
• қаймоқли пишлоқ – 200 грамм;
• саримсоқ кукуни – 1 чой қошиқ;
• тухум – 4 дона;
• ун – 250 грамм;
• қуритилган нон – 200-250 грамм;
• ўсимлик ёғи – 500-700 мл;
• туз ва зираворлар.

1. Исмалоқ майда тўғралади ва бироз қовурилади.
2. Моцарелла пишлоғи қирғичдан ўтказилади. Қаймоқли пишлоқ, исмалоқ, саримсоқ, туз ва зираворлар биргаликда аралаштирилади.
3. Қандолат қолипига пергамент қоғоз солинади ва пишлоқли масса қуйилади.
4. 30-60 дақиқага музлаткичга қўйилади, сўнгра таёқча шаклида кесиб олинади.
5. Ҳар бир таёқча аввал ун, кейин тухум ва қуритилган нонга ботириб олинади. Яна бир маротаба тухум ва нонга ботирилади.
6. Ўртача оловда қиздирилган ёғда қизаргунга қадар қовуриб олинади.