Парҳез тутадиганлар учун картошкали испанча тортилья айни муддао.
Керакли маҳсулотлар:
- тухум – 2 дона;
- картошка – 5 дона;
- пиёз – 1 дона;
- чеддер пишлоғи – 20 грамм;
- зайтун мойи – 50 мл;
- туз.
Пиёз ярим ҳалқа шаклида тўғралади.
Пиёз қиздирилган зайтун мойида қизаргунча қовурилади.
Картошка қирғичдан ўтказилади.
Яна алоҳида товага зайтун мойи қуйилиб, унда картошка қовурилади.
Тухум алоҳида идишда кўпиртириб олинади.
Пиёз ва картошка алоҳида идишда совутилади. Картошканинг бир қисми тухум билан аралаштирилади. Устидан пиёз ва бир чимдим туз солинади.
Товага дастлаб картошканинг бир қисми солинади. Устидан тухумли аралашма ва пишлоқ, сўнгра яна тухумли аралашма қуйилади.
Уч дақиқа давомида димлаб пиширилади.
Икки томони қизаргунча пиширилади.
Ёқимли иштаҳа!
Изоҳ (0)