Америкалик тадбиркор Илон Маск АҚШ президенти Жо Байденни мамлакатда электромобилларга ўтиш ҳақида билдирган фикрлари юзасидан танқид қилди.
Оқ уй раҳбари Twitter’даги расмий саҳифасига жойлаган постида General Motors ва Форд автогигантларининг электромобиллар ишлаб чиқаришга қўшган ҳиссасини эслатиб ўтган, аммо Маск асос солган ва электромобиллар ишлаб чиқаришда энг йирик компаниялардан бири ҳисобланувчи Tesla тилга олинмаган.
«Байден Америка халқига аҳмоқлардек муомала қилмоқда», — деб ёзади Маск президент пости илова қилинган Twitter фойдаланувчиларидан бирининг изоҳига жавобан.
Маск Tesla компаниясига 2003 йилда асос солган. Унинг штаб-квартираси Калифорниянинг Пало-Алто шаҳрида жойлашган. Дастлаб компания фақат электромобиллар ишлаб чиқаришга ихтисослашган бўлса, кейинчалик қуёш панеллари ва бошқа энергия сақлаш тизимларини яратишга киришди.
Изоҳ (0)