Amerikalik tadbirkor Ilon Mask AQSh prezidenti Jo Baydenni mamlakatda elektromobillarga o‘tish haqida bildirgan fikrlari yuzasidan tanqid qildi.
Oq uy rahbari Twitter’dagi rasmiy sahifasiga joylagan postida General Motors va Ford avtogigantlarining elektromobillar ishlab chiqarishga qo‘shgan hissasini eslatib o‘tgan, ammo Mask asos solgan va elektromobillar ishlab chiqarishda eng yirik kompaniyalardan biri hisoblanuvchi Tesla tilga olinmagan.
“Bayden Amerika xalqiga ahmoqlardek muomala qilmoqda”, — deb yozadi Mask prezident posti ilova qilingan Twitter foydalanuvchilaridan birining izohiga javoban.
Mask Tesla kompaniyasiga 2003-yilda asos solgan. Uning shtab-kvartirasi Kaliforniyaning Palo-Alto shahrida joylashgan. Dastlab kompaniya faqat elektromobillar ishlab chiqarishga ixtisoslashgan bo‘lsa, keyinchalik quyosh panellari va boshqa energiya saqlash tizimlarini yaratishga kirishdi.
Izoh (0)