Чехияда Прага йўналишидаги Д5 автострадасининг 33-километрида 20 январь куни катта йўл транспорт ҳодисаси юз берди ва бирйўла 40 та автомобиль бир-бирига урилди. Бу ҳақда Сeska televize хабар берган.
Авария оқибатида олти нафар одамга талафот етган. Хабарга кўра, ЙТҲда жабрланганларнинг уч нафари вертолётда Прагадаги шифохонага етказилган.
Автоҳалокат юз берган жойга фавқулодда хизматлар ходимлари етиб келган, қутқарувчилар вертолёти ҳам сафарбар этилган. ЙТҲ туфайли Прагага олиб борадиган йўл вақтинча ёпилиб қолган.
Аввал АҚШда Tesla ҳайдовчиси биринчи бор автопилот иштирок этган ва ўлим билан якунланган ЙТҲ учун суд олдида жавоб бериши, Танзанияда микроавтобус иштирокидаги ЙТҲда 14 нафар, Мисрда автобус иштирокидаги ЙТҲда 16 нафар, Гаитида ёнилғи ортилган автоцистерна аварияга учраб, портлагани туфайли 40 нафардан ортиқ, Мексикада ноқонуний муҳожирларни олиб кетаётган юк машинаси ағдарилиб кетиши оқибатида эса 50 дан ортиқ одам ҳалок бўлгани ҳақида хабарлар берилган.
Изоҳ (0)